Aizawl | June 24, 2020: Nimin khan Zawlpui Village Level Task Force (VLTF) hmalakna in VLTF Ramthar, Lunglei hnenah thlai, thei leh chawhmeh chi hrang hrang an Pick Up trip 2 an pe.
Hemi hma hian Zawlpui khua hian VLTF kaltlang thovin Lunglei Polytecnic centre-a Quarantine te eitur thlai thar an lo pe tawh a ni.
Hemi bakah hian mimal ṭhahnem ngai ten Lungleia Home ṭhenkhatah Thlai thar a thlawnin an pe tawh bawk a ni.
Zawlpui khua hi Lunglei aṭanga khawthlang lam Km 75 vela hla a awm a ni a. In 360 vel a awm ni a hriat niin, chhungkaw tam zawk te eizawnna chu Nul siam a ni a, Lunglei District ah chuan agriculture lamah potential area te zinga mi ani a, an thlai thar chi hrang hrang te chuan Lunglei khawpui an chawm ṭhin a ni.
"Zawlpui VLTF ten Ramthar VLTF Duty te leh Khawtlang mipui te tan an thlai thar lam tak mai min rawn pe a kan van lawm teh lul em Ramthar VLTF ten Zawlpui khawtlang hnen ah lawmthu kan sawi mawlh mawlh e, ruahmanna fel tak hnuai ah kan sem chur chur mai." tiin ramthar Task force in lawmthu an sawi.
Post a Comment
He post chungchanga i ngaihdan lo sawi ve rawh: