Aizawl | June 24, 2020: Chinese hacker ten tunhnai ni 5 kal ta chhung khan India ram chhunga bank te vawi 40,000 chuang Computer thiamna hmanga khawih buai leh tih chingpen (cyber attack) an tum.
Hacker te hi China rama awm an ni a, vawi 40,000 chuang cyber attack hmang hian India ram chhunga Information Technology infrastructure leh banking sector khawih buai leh khawih chhiat an rawn tum ber a ni tih, Inspector General of Police, Maharashtra a mi chuan nimin Thawhlehni khan a sawi.
Yashasvi Yadav, Special Inspector General of Police, Maharashtra Police Cyber Wing, chuan Eastern Ladakh a India leh China sipaite boruak a san chhoh a, intihbuai anih hnu khan ram pawn ațanga India ram chhung computer system, software etc online hmanga khawih chhiat tumna hi a awm țan nghal tih hriat a nih thu a sawi.
‘Maharashtra Cyber’, state Police Cyber Wing, te hian hetianga khawih chhiat tumna leh tum zat hi an lo chhinchhiah zel a, an vai deuh thaw hian China ram Chengdu area ațangin an ni tih hriat a ni, tih thu a sawi.
"Ni li/nga kal ta chhung mai khan vawi 40,300 zet beihna (cyber attacks) hi kan tawk tih Indian cyberspace," chuan a tar lang.
Heng rawn beitute hian tih chhiat leh tih buai an tum ber chu service tih chhiat leh tih buai te, Internet Protocol and phishing te a ni, tih Yadav chuan a sawi.
Indian ram chhunga Internet hmangtute chu he beihna laka fimkhur tur leh ngaihven reng turin a chah a, Internet ah thil ti buai thei ‘firewalls’ an siam bakah cyber security audits te an hmang țhin IGP chuan a ti.
Source :
India Today
June 24, 2020
@ 08:08 IST
====25==06==20=
Huna Kawlvawm
Post a Comment
He post chungchanga i ngaihdan lo sawi ve rawh: