TAMIL NADU IN PAWL 10 EXAM TUR SUT; ZIRLAI ZAWNG ZAWNG PASS VEK

Aizawl | June 9, 2020: Tamil Nadu  chuan Class X Board exam June 15 a țan tur chu a sut fel (cancelled) ta. 


Tamil Nadu Chief minister Edappadi K Palaniswami chuan he thu hi vawiin khan puangin, Covid-19 pandemic avangin Class 10 zirlai zawng zawngte chu Class XI zawm thei tura passed vekah a puang. Tamil Nadu ah hian Class X Board exam tur hi mi nuai 9 aia tam an awm a, exam centre  12,690 a exam tur an ni. COVID-19 avanga exam buatsaih hleih theih anih tak loh avang hian Board exam tura hming ziak lut zawng zawng chu pawl sawntir (promoted to Class XI) vek an ni.


Tamil Nadu state Sorkar hian Class XI exam tur pawh a țhulh fel tir bawk. Class XII exam tur erawh chu a hun sawn hla zelin exam hun ruat puan chian a la ni ang.


Eptu party ten Madras high court ah hun khirh leh harsa kara zirlaite nunnain a tawrh hlauhawm khawpa exam tura state Sorkar chuan exam luih tir tumah leh țhulh tir turin an khing a. High Court chuan State Sorkar chu  June 11 Thawhțanni hmaa thu tlukna siam turin a hriattir a ni.


Hemi thu bawhzui hian state Sorkar chuan vawiin Thawhlehni hian hemi chungchang ennawn hian an inhmukhawm nghal a ni. 
"Health expert te leh hri lama mithiam (epidemiologist) te chuan  COVID-19 hi tun hnai maiah ziaawm lam pan turah an ngai lo. An state a hri kai an pun zel dan te leh hmuntin leh khaw tina a țaidarh dante leh zirlai nu leh pa te nawrna avangin Class X exam chu June 15 a ruat phawt ni mahse, Class XI exam subject țhenkhat zawh hman loh la awmte nen thlir kawp a ni a, zirlaite hriselna ngaih pawimawh avangin exam hi țhulh (cancelled) a ni," tih Chief Minister Edappadi K Palaniswami chuan thu chhuah a siam.


 Class X zirlaite mark hmuh dan tur chu  quarterly, half yearly exam a an tih țhat dan ang a ni ang. "Zirlaite mark hmuh dan tur chu half yearly exam in 80% a keng ang a, quarterly exam mark in 20%  a keng bawk,"  a ti.


 Telangana  state pawhin nimin Thawhțanni khan  Class X zirlai zawng zawng te exam chhun zawm hmabak la awm te exam tir tawh loh a passed vekah a puang tawh bawk a, Class XI zawm thei turin a lo ti tawh bawk. Tamil Nadu pawhin he kawng hi a rawn zawh leh ta bawk a ni.

Source :
Times of India
June 09, 2020 @ 13:51 IST

====09==06==20=
- Huna Kawlvawm

Post a Comment

0 Comments