Online Lecture emaw, Exam chungchang ka ngaihdan leh hmuhdan



- Vidpuia Hrahsel

Kan do zawh loh Hripui in kan ram min chenchilh rup ta mai! Loh theihloh in class lak engkim a tih theihloh a, chuan Syllabus pawh kan zir zo hman lo bawk. Zirlaite hi dinhmun in ang lo tak tak kalkhawm kan ni a. Khawsak a in anglo bawk.Smartphone chu kan nei vek tho, mahse phone dinhmun a in ang vek lo.

Internet hi Mizoram ah hian duh anga chak kan la nei lo. Assignment pawh kan thehlut thei ṭawk a ni.Sawi tawh angin, zirlaite hi khawpui a cheng vek kan nilo. Thingtlang a awm te tan, internet hi a stable theilo. Tin, Course zo manglo a exam hi quality kan neih ka ringlo. Nge ni a, kan syllabus hi class lak ngailo a pass mai mai thei a lo ni zawk? Kan dinhmun en chuan, Online Lecture emaw exam hi kan la zo lo deuh niin a lang.

UGC Norms a kal chu kan ni teh meuh mai. UGC khan thu an chhuah a, University tin te results siam chungchang ah thuneihna a pe, kan hmuh leh kan hriat angin, University ṭhenkhat chuan, Internal Assessment aṭangin result an siam dawn a, remchan na an hmang ṭangkai phian. Internal hmanga result siam hi a ṭhatna leh ṭhat lohna a awm ve thei khawp ang. Mahse, kan tun dinhmun thlir chuan, a ṭul chen pawh a awm. Academic Calendar a buai vek tawh a, kan dinhmun thlir chuan, Class hi kan kal theih hunah kal ila, exam pawh tih tlai mai ka thlawp zawk. Tun dinhmun ah chuan Zirlaite tan phur rit kan siam mai mai zawk lo maw? UG emaw PG zirlai pawh nise, tun dinhmun ah chuan khawiah nge an chhunzawm chuang ang? Nghah mai hi a finthlak zawk lo maw ka ti.


Lehlam zawng chuan, Online a exam hi a ṭha lutuk alawm, mahse kan internet dinhmun a chau rau rih em mai. Kan tun dinhmun nen chuan, Online Exam emaw Lecture hi kan la zo meuhlo a ni. Hripui avangin Inkharkhip kan thar thawh leh a, chi ai lo turin kan inchah lawm lawm a, ngaihtuahna a chau thei khawp ang, zirlaite rilru sawi nghing a, a chi ai lo zawnga, hmalak theih dan kawng a awm tak mial in ka hmuh dan ka rawn thai kawi ve a ni e. Kan theih ang angin, inveng ila, hripui karah him tumin kan theih tawk in, inbuatsaih zel ila, tun aia hun remchang ṭha leh hun awl kan neih hunah Exam ila tiin duhthu ka la sam fan e.  

Post a Comment

2 Comments

  1. Ka ngaihdan ah chuan final semester UG bik hi ngaihtuah lehzual se an tang laklawh si a, chumi hnuai lam semester tin te chu internal mark aṭangin emaw promote mai se, college kal leh theih velah semester thar hlak leh zirtur thar hlak kha ani tawh ngei anga tin rilru a kap run tawhlo bawk anga, semsester thar chu ṭan tlai mahse a pawilo zawk, exam tikhawtlai zel chuan hun akal duak duak a angaih ah tho kan awm a hma kan sawn bawk silova, tin MZU lam hian ngaihtuah ṭha se ka duh chu College reopen leh Exam chunchangah hian mizoram a college tin deuhthaw ti mai ila Quarantine centre atan a hman anni hlawm a, vanduaina tawk palh in college campus angah te hian covid-19 lo kai thei dinhmun ah kan ding thei a, exam a hnai ve tawh ang reng si a, Possitive an pung nasa hle a, kan exam thei a college reopen pawh a theih chuan kan tam tham tawh dawn a mzu hian responsible an la ngam angem tin zirlai te nun kha risk sang tak a dah ang ani ve thei tlat ngaihtuah na seng chet chet se educational instutions ho hi chuan hawn nan leh exam nan hun ala mamawh deuh viau chu ani

    ReplyDelete

He post chungchanga i ngaihdan lo sawi ve rawh: