Aizawl | June 20, 2020: Bollywood actor Sushant Singh Rasput thihna chuan Bollywood ah nghawng a nei chho zel a, a fans-ten 'Nepotism' an tlangaupui vangin Bollywood actor lar tak Alia Bhatt leh film siamtu lar Karan Johar chuan instagram lamah followers nuaih chuang an hloh ta!
Heti ang boruak a nih mek lai hian actor Kangana Ranaut erawh chuan bollywood a nepotism a nasat zia chungchang a sawi chhuah vngin instagram lamah followers nuaih chuang a neih belh phah thung.
 |
| Vawiin chhun dar 1 vel |
 |
| Zanin dar 7 vel |
Nepoism chu 'hna inpek chungchanga induhsak bikna, hlei neihna.' tihna a ni a. Bolyywood ah hian film chang tur emaw hna nei tur hian a lar sate tan lo chuan hmun a awm lova, a lar sate emaw actor lar lo ni tawh fate chu duhsak an ni zel niin thuthang a awm mek a ni.
karan Johar leh Alia Bhatt te hi Bollywood film maker hlawhtling leh lar tawh sa pahnih, Yash Johar leh Mahesh Bhatt te fate an ni.
Sushant Singh in filmhlawhtling tak tak chang a, MS Dhoni film bakah film dang dangah a inlan hnu-ah award pek a ni lo te, a project hrang hrang cancel sak a nih chungchang te chu a intihhlumna hian rawn irhchhuahpuiin, hleihluak neiin Bollywood ah hian thil a thleng thin fans lam chuan an ngai a ni.
Kum 34 mi Sushant Singh hi Pathianni liam ta khan ama chenna Bandra Residence, mumbai ah intihlum a hmuh a ni. Amah hi Bihar lam mi niin, mi lar zinga IG a following 6k chuang nei awm chhun nia hriat a ni.
 |
| Sushant Singh Rajput IG account |
Johar hi mi nuaih 5 velin an unfollow tawh a, Alia Bhatt hi nuaih 10 chuangin an unfollow tawh a, Vawiin, dar khat vel khan followers 47.5M a neih laiin, dar 7 vel khan 47.4M ah a tla leh hman tawh a ni.
Post a Comment
He post chungchanga i ngaihdan lo sawi ve rawh: