PM hova All Party Meeting chungchang a thuchhuak

Aizawl | June 20, 2020: Nimin a All-Party Meeting (APM) a Prime Minister thusawi lo la kawi a, a herh zawng a thuchhuah siam pawh kaw hrang hrang atangin a awm mek a. 
Prime Minister hian chiang takin Line of Actual Control (LAC) rawn pelh tum an awm anih chuan India hian natakin a chhang let dawn a ni tih a sawi a. Tun hma lama lo ngaihthah tawh thin LAC violation ang chi zawng zawng (“unheroktehain, unhetoktehain”) chu India sipaite’n khawng takin an veng a ni a ti bawk.

APM ah hian LAC-a Chinese sipai rawn in bunte hi an tam tham thusawi chhuah anih bakah India lo chhan let dan hi a that tawk thu sawi a ni a. LAC a dan kalh a chetna chungchangah chuan June ni 15 a Galwan a tharum thawhna a thlen chhan hi Chinese lamin LAC bul hnai taka structure siam an tum vang leh hetiang a hmalakna duh loh vang anih thu chiang taka sawi a ni. 
PM-in APM ah hian sawichhuah a tum ber chu Galwan a June ni 15 a tharum thawh a chetna thleng avang a India sipai 20 te’n nunna an chan chungchang hi a ni a. Prime Minister hian helai hmun a Chinese ruahmanna dodal a ram chhan tura huaisen taka kan sipaite an che hi nasa takin a fak a ni. Prime Minister chuan kan sipaite huaisenna avangin LAC a India ram lamah Chinese sipaite an lo lutlo a ni tih thu a sawi a. 16 Bihar Regiment sipaite huaisenna leh inpekna avangin Chinese hovin structure din an tum pawh a tlawlh phah a, hemi ni a LAC rawn paltlang an tumna pawh hi an tihtheih loh phah a ni. 
Prime Minister chuan heti hian a sawi a “Kan rama rawn luh tumte chu an phu an tawk zirtirna ram leilung fate’n an lo pe a ni”. Hei hian kan sipaite kalphung leh innghahna a tichiang a. Prime Minister chuan “kan ramri venghim tur hian kan sipaite’n theihtawp an chhuah zel dawn a ni” a ti. 
India ram chin chu India map atangin a chiang a. Chumi venghim tur chuan Sorkar in theihtawp chhuahin hma a la zel dawn a. Kan ram chin chhuhluih tumna awm niawm a sawi chungchangah APM hnenah chuan kum 60 chuang chhung a sq.km 43,000 chuang chhan hrang hrang vang a kan lo hum zawh tawh loh thu hi kan ram hian kan hrechiang a. Sorkar hian ram thenawm duhdan ang a LAC tihdanglam ve ngawt hi a pawm ngai dawn lo a ni tih thu pawh chiang taka sawi a ni.  
Kan sipai huaisente ramri veng a rim taka an thawh laia an rilru tihnual thei tur zawng a tul lo taka thubelhchian dawllo leh inhnial theihna lam hawi thu lo vawrh darh hi a pawi hle a. Hetihrual hian All Party Meeting ah hian ramin harsatna a hmachhawn laia lungrual taka Sorkar leh sipaite  tawiawm duhna boruak a ri ring ber a. Tum nei propaganda hmang a thuvawrh darh hian India ram mipuite inlungrualna hi a tihchhiat theih kan ring lo a ni.

VRRK/AKP

- PIB Aizawl

Post a Comment

0 Comments