Aizawl | June 1, 2020: Election Commission of India(ECI) chuan vawiin khan thuchhuah siamin India rama state pathum; Mizoram, Arunachal Pradesh leh Karnataka a Rajya Sabha MP paruk thlan hun atan June 19 a ruat.
ECI chuan State thuma Rajya Sabha Member of Parliament (MP) paruk te term a tawp dawn tak avangin vawiin khan MP thlan hun tur a tichhuak.
Mizoram MP Ronald Sapa Tlau chu July 18 hian a term a tawp dawn a, a ni rual hian Arunachal Pradesh MP Sh. Mukut Mithi chu June 23 hian a term a tawp dawn a, Karnataka MP pali D. Kupendra Reddy, Prabhakar Kore, Rajeev Gowda MV leh BK Hari Prasad te chu June 25 hian an term a tawp dawn a ni.
Rajya Sabha MP thlanna atan hian June 2 hian hriattirna tihchhuah a ni ang a, Chuh turte tana hming pek luh theih ni hnuhnung ber chu June 9 niin, June 10 ah endik a ni ang a, inhnukdawhna hun hnuhnung ber chu June 12 a ni ang a, June 19 zing dar 9 aṭanga tlai dar 4 thleng inthlangin tlai dar 5 ah vote chhiar a ni ang.
ECI chuan MP inthlan hi June 22 hmaa zawhfel turin a ruat bawk a ni.
- Issue of Notifications 02nd June, 2020 (Tuesday)
- Last date of making nominations 09th June, 2020 (Tuesday)
- Scrutiny of nominations 10th June, 2020 (Wednesday)
- Last date for withdrawal of candidatures 12th June, 2020 (Friday)
- Date of Poll 19th June, 2020 (Friday)
- Hours of Poll 09:00 am to 04:00 pm
- Counting of Votes 19th June, 2020 (Friday) at 05:00 pm
- Date before which election shall be completed 22th June, 2020 (Monday)
Post a Comment
He post chungchanga i ngaihdan lo sawi ve rawh: