Aizawl | June 1, 2020: Ahmednagar College, Maharashtra atanga zirlai 20 Bus a rawn hawte chuan zanin 7:30 khan Vairengte rawn lut a, Medical screening an paltlang hnu-in Aizawl an pan nghal ang.
Heng zirlai 20 te hian Bus dang hmangin R Dengthuama Hall, Mualpui an pan phawt ang a, heta ṭang hian anmahni district-ah ṭheuh thawn darh an ni dawn nin exploremizoram.com chuan thu a dawng.
Nizan dar 8 vel khan Guwahati atanga km 350 velah an la awm niin heng rawn haw zinga tel ve Peter B Lalrinmawia chuan a sawi a. Tukin zing dar 7:30 vel khan Meghalaya an rawn lut leh bawk.
Tarlan tawh angin Ahmednagar College, Maharashtra aṭanga rawn haw Mizoram zirlai 20 niin, Mipa 15 leh hmeichhia 5 an ni a, May 28 zan dar 10:30 vel khan an rawn chhuak tan a ni.
Exploremizoram.com thu dawn danin, heng zirlaite hi Bus in an lo kal a, Mahni in tum chawpin an lo kal niin thudawnna chhan a sawi.
Zinkawng thui tak zawh an ni a, zirlaite hi an taksa a chau ve tawh hle niin thudawnna chuan a sawi.
Post a Comment
He post chungchanga i ngaihdan lo sawi ve rawh: