Aizawl | June 2, 2020: Nizan khan Mizoram-ah COVID 19 positive 12 hmuchhuah an ni. Mi 11 hi Kolasib district quarantine centre a awm lai niin, mi pakhat hi Zoram Medical College (ZMC) Falkawn a enkawl lai a ni.
Heng hrivei te hi Hmeichhia 11 niin Mipa pakhat an ni a. Sawrkar thuchhuahin a tarlan danin heng dam lote hi kum 18 atanga kum 40 inkar an ni a, mi 10 hi Delhi atanga lo let niin, mi pahnih hi Kolkata atanga lo let an ni.
COVID 19 positive case hmuhchhuah a ni tih hriat a nih rual hian tukin lam atang khan Mizoram hmun hrang hrangah, veng hrang hrangah mipui fimkhur turin Task force in hriattirna an chhuah a. Pawn chhuak lo tura ngen leh dawr leh sumdawnna hawn bakah punkhawm te an khap nghal a ni.
Health minister Dr R Lalthangliana chuan, "Vanduaithlak takin #Covid19 case 12 kan nei ta thut mai a. Delhi atanga rawn haw 10 leh Kolkata atanga rawn haw mi pahnih niin, mipa pakhat tihloh adang zawng hmeichhia vek an ni. Quarantine center a awmsa an ni a, symptoms lan vanga test ni lovin midang ang thova test pangai kalpui a, result positive an ni. An mahni hi ZMC ah an awm vek tawh a, symptoms an nei lo. Mipuite tan chiai na tur a awm lova, hlauhthawn em em tur a ni love.
Hemi chungchangah vawiin chawhma dar 11 hian Meeting pawimawh neih a ni ang a, chawhnu dar 1 ah press briefing neih a ni bawk ang." tiin facebook page-ah a post.
COVID 19 positive case hmuhchhuah a ni tih hriat a nih rual hian tukin lam atang khan Mizoram hmun hrang hrangah, veng hrang hrangah mipui fimkhur turin Task force in hriattirna an chhuah a. Pawn chhuak lo tura ngen leh dawr leh sumdawnna hawn bakah punkhawm te an khap nghal a ni.
Health minister Dr R Lalthangliana chuan, "Vanduaithlak takin #Covid19 case 12 kan nei ta thut mai a. Delhi atanga rawn haw 10 leh Kolkata atanga rawn haw mi pahnih niin, mipa pakhat tihloh adang zawng hmeichhia vek an ni. Quarantine center a awmsa an ni a, symptoms lan vanga test ni lovin midang ang thova test pangai kalpui a, result positive an ni. An mahni hi ZMC ah an awm vek tawh a, symptoms an nei lo. Mipuite tan chiai na tur a awm lova, hlauhthawn em em tur a ni love.
Hemi chungchangah vawiin chawhma dar 11 hian Meeting pawimawh neih a ni ang a, chawhnu dar 1 ah press briefing neih a ni bawk ang." tiin facebook page-ah a post.
Post a Comment
He post chungchanga i ngaihdan lo sawi ve rawh: