Space sector-ah reforms chhinchhiah tlak siam tumin hmala

* Space/Vanthengreng a hmalaknaah Private sector te tel ve phal a ni ta.

Aizawl | June 24, 2020: Prime Minister Pu Narendra Modi-a kaihhruai Union Cabinet vawiin a thukhawm chuan space lam hmalakna a private sector/mimal nasa zawk a an tel ve theihna tura ruahmanna reforms a pawm a. He thuthlukna hi Prime Minister in kan ram a intodelh a, technology lama hmasawnna nasa zawk kan neih theihna atan a vision a neih zulzuia siam a ni.

India ram hi khawvel ram zing a space sector lama theihna neisang ram tlemte zing a pakhat a ni a. Tun a reforms siam hmang hian he sector hian tha thona thar leh zau zawk a hmalak theihna a nei dawn a, hei hian kan ram hi vanthengreng a hmalaknaah hmasawnna nasa tak nei thei turin a pui dawn a ni.

Hei hian he sector tana hmasawnna chauh a thlen dawn lova, Indian industry-te chu khawvel huap space economy ah dinhmun pawimawh luah thei turin a siam dawn a ni. Chubakah chuan he hmalakna avang hian technology sector ah  hna thar tam tham tak a awm belh dawn a, India pawh Global technology powerhouse ah a siam thei dawn a ni.

A thatna langsar zualte:

Kan Industry-te tan technology lama hmasawnna leh huang zauh theihna kawng space sector hian a hawn sak dawn a. He reforms ruahmante avang hian space lama theihna leh hmalaknate chu space assets, data leh facility lama hmasawnna tiamin socio-economic lamah tangkai zawkin a hman theih dawn a ni.

Tunhnaia dinthar Indian National Space Promotion and AuthorizatioN Centre (IN-SPACe) hian Indian space infrastructure te chu private company-te tana hman theih turin ruahmanna a siam dawn a. Chubakah chuan policy chenfakawm leh  regulatory environment tha siamin mimal enkawl industry-te chu a bul atanga kaihruaiin space lama hmalaknaah inhnamhnawih leh tel ve turin hma a lak pui dawn a ni.

Public Sector Enterprise 'New Space India Limited (NSIL)' chuan space lama hmalakna ah kalphung her danglamin 'supply driven' model atangin 'demand driven' model lam a hawi dawn a, he hmalakna avang hian kan space asset-te chu tangkai leh nasa leh zual zawkin kan hman theih phah dawn a ni.

Heng reform-te hian ISRO chu nasa leh zual zawk a research/zirchianna leh hmasawnna lama hmalakna, technology thar bun, exploration missions leh mihring vanthengreng a zin (human spaceflight) programme ah te insawrbing thei turin a siam dawn a.  Planetary exploration mission thenkhatte chu 'announcement of opportunity' hmangin  private sector tan hawn an ni dawn a ni.

- PIB Aizawl