PIB Guwahati in Agriculture sector reforms chungchangah Chanchinbu mite tan webinar buatsaih

Agricultural reforms in Hmarchhak a loneia eizawngte lakluh a letin a tipung thei dawn - LR Vishwanath

Aizawl | June 08, 2020: Press Information Bureau (PIB) Guwahati chuan tunhnaia Agriculture sector a reforms kalpui chungchangah vawin-ah khan Guwahati ah  Chanchinbu mite tan webinar a buatsaih.

PIB Guwahati-in Hmarchhak Journalist-te tana a buatsaih webinar-ah hian Agriculture University a mithiamte'n chanchinbu mite hi agriculture reforms chungchanga tunhnaia cabinet thuthlukna siam an hrilh hria a. He workshop-ah  hian video conference hmangin Journalist 26 vel an tel a, Mizoram atang pawhin Journalist telin Explore Mizoram founder & editor H Zate pawh a tel a ni.

Sorkar laipui chuan tunhnai khan essential commodities chungchang tihdanglamna Cabinet thuthlukna a siam a puang a. Sorkar chuan he thuthlukna hmang hian loneitute tan zalenna a siam thu Pu L.R Vishwanath, Head of  North East Zone, Ministry of Information and Broadcasting, Govt of India chuan a sawi a. Tunhnaia agricultural reforms hian hmarchhak a loneitute sum lakluh chu a letin a tipung thei dawn a ni a ti bawk. Tuna kan harsatna hmachhawn mekah hian  mipuite hnena sorkar scheme siam hrilh hriat kawngah media-te'n mawhphurhna pawimawh tak an nei a ni tih thu Press Information Bureau in vawiin a Guwahati a Webinar an buatsaih hawnna thu a sawiah a tarlang a.He Webinar hi Argiculture lama thawktute resource person-ah/thusawituah hmangin sorkar ruahmanna siamte'n mipui a thlen phak ngeina atana Journalist-te hrilh hriatna tura ruahman a ni.

Agriculture Technology Application Research Institute, ICAR Umiam director Dr BC Deka chuan COVID 19 hripui leng reh huna hmarchhak agriculture tana beiseina eng awm chungchang a sawi a. Pu Deka chuan Sorkar laipuiin ngawrh taka hma a lakna avang hian ni reilote chhungin Hmarchhak hian agriculture sector ah hmasawnna lawmawm tak a nei dawn a ni a ti.

Assam Agricultural University, Jorhat department of Agricultural Economics & Farm Management Prof  Dr Nivedita Deka chuan, COVID 19 hrileng reh hun a Assam-in Agriculture lama hmasawnna eng a hmuh tur lam hawi thu a sawi a. Pi Deka chuan COVID 19 hripui leng vanga agriculture lamin harsatna a hmachhawnte tarlangin a sukiang tura hmalakna thar siamte a sawi lang a. Central Agriculture University director of instruction Dr S Basanta Singh chuan India rama Argicultural Marketing Reforms lam a sawi thung a ni.

PIB Guwahati joint director Pi Keerti Tiwari chuan inlawmna thusawiin India ram chu thingtlang khuaah nasa taka innghat a ni a ti a. He Workshop hi loneitute hmakhua ngaia scheme siamte'n mipuite a thlen phak ngeina tura buatsaih anih thu a sawi a. Pi Saikia, Media and Communication, Press Information Bureau chuan he Webinar hi a kaihruai a ni.

*****************
- PIB Aizawl






(A hnuaia fakna hi lo hmet ve rawh.)

Post a Comment

0 Comments