PHUIHNAM CHHIA

- Dr C Lalrampana

A KAMKEUNA: He hnim chi khat hnah bial hlaipui 2m laia sang thei; hnah hmul thipthiap, han khawih pawha nel thep mai hi kan naupan lai chuan nau ek, ui ek, ar ek etc. hruk fai nan bak hman tangkaina leh a hlutna kan hre lem lova kan en liam mai mai thin. Mahse, hriselna atan tangkaina a nei nual a, chungte chu i han luhchilh teh ang u.

Scientific classification:
Kingdom: Plantae: (unranked)
Angiosperms (unranked):
Eudicots (unranked): 
Asterids Order: Lamiales
Family: Lamiaceae
Genus: Clerodendrum
Species: Viscosum
Local name: PHUIHNAM CHHIA



A AWMNA: He hnim hi Asia tropical regions leh Bangladesh, India, Myanmar, Pakistan, Thailand, Malaysia,  Andaman Islands, leh Sri Lanka-ahte a tam deuh ber a. Hnim thang duang tak leh par mawi ve tak a ni bawk.

A TANGKAINA: Hmasang ata tawh he hnim hi Herbal Medicine atan hman tangkai a lo ni tawh thin a, chuvangin, nau ek etc. hruk nan baka kan hman tangkai lehzual theih nan hetiang hian tarlang ila:

A HNAH: Hman lai atangin herbal, ayurveda, sidha atangin a hnah hring tharlam hi kawtha lo, thin tha lo (liver disorders), leh luna damdawi atan hman thin a ni.

A HNAH & A ZUNG: A hnah leh a zung hi khawsik, eknawmna, kawthuahna, ek nemna, rulhlut damdawi,   , zunthlum venna, phinga lungte awm, sikserh (malaria), uithak,  vun thak, taksa phu ut ut, rul chuk, khawmual kaikuang seh, pan, khawihli leh ngawt,   damdawi atan hman tangkai thin a ni.

A PAR & A HNAH: Khawmual kaikuang seh leh rul chuk damdawi atan a tha bik.

 

A HNAH TUI SAWR: A hnah hring densawm/nuai sawm tui sawr hi khawsik leh pumna damdawi atan a tha hlea ngaih a ni.

A TLANGKAWMNA: Pathian hian kan ram hi a va han hmangaih tehlul em! Kan khaw dai chheh vel leh ramhnuai ngawpui karahte hian damdawi tha tak tak a dah teuh a; hengte hi hman tangkai dan thiam ila, a tawktein damdawi kan ei ang hian fimkhur takin ei ila, awlsamtein damna kan chang thei a ni tih hriain thing leh marua leh ram ngaw humhalh kawngah tan i la thar zel ang u.

Post a Comment

0 Comments