COVID 19: Positive pakua hmuh belh; Vei mek 38 awm

Aizawl | July 1, 2020: Zoram Medical College (ZMC) lab-a sample test zingah nimin khan positive thar 9 hmuhchhuah a ni a, tunah hian hri vei mek 38 an awm mek.

Sample test zingah 158 an negative a, result nghah mek 3 (Serchhip) a awm. Heti hian Mizoramah COVID19 vei mek 38, dam tawh 122, belhkhawmin 160 an awm mek a ni.



Positive hmuhchhuah tharte hi mipa 8, hmeichhia 1; kum 18-28; Siaha District a cheng; Delhi atanga lo haw an ni a. Symptoms nei pakhat hi Isolation Ward-ah a awm a, symptoms neilo mi 8 te hi Quarantine Centre-a awm an ni.

District tin sample test result chhuak zat: Aizawl 94, Lunglei pakhat, Serchhip 19, Siaha 43, ZMC-a awm mek 10.

Nimin vek khan Lunglei Civil Hospital Lab ah Truenat khawl hmangin sample 22 test niin a vai hian result a negative a ni.

Post a Comment

0 Comments