COVID 19: Positive enkawl dam mi 61 chhuahtir; Enkawl lai mi 29 an awm mek

Aizawl | June 30, 2020: COVID-19 vei, enkawl dam tak mi 61 te chu vawiin khan anmahni enkawlna damdawi in atangin chhuahtir an ni.

Heng damna chang tawh chhuahtir te hi State Referral Hospital Falkawn - Zoram Medical College (SRHF-ZMC) atangin mi pariat (Aizawl district mi pasarih leh Kolasib district mi pakhat) niin, Lunglei atangin mi 45 leh Mamit atangin mi pariat an ni.



Heti hian Damna chang tawh zawng zawng hi mi 122 niin, enkawl lai 29 an ni a, an vaiin mi 151 an ni.

Vawiina dam chhuah hnemna ber Lunglei atanga chhuahtirte hi kum 18 atanga kum 33 inkar a upa niin mipa 29 leh hmeichhia 16 an ni. Mii 45 an chhuah hnu hian tun dinhmunah Lunglei District-ah Covid-19 vei mi pahnih (2) la awm mekin DCHC, ETC SIRD Pukpui ah enkawl an ni.

Mamit atanga COVID - 19 hri kai enkawl dam tawh mi 8 chhuah tak te hi mipa 4 leh hmeichhia pa 4 an ni.

Mamit District chhungah hian Covid -19 hrik hmuhchhuah hi mi 20 an awm tawha, Vawiina mi 8 chhuah bakah ZMC atanga chhuah tawh mi 1 a awm  bawk a ni. Tunah hian Covid Care Centre-ah hian Positive rinhlelh dah hran mekte nen mi 13 an la awm mek a. Dedicated Covid Health Centre (DCHC) ah mi 1 ala awm mek bawk a ni.

 

MIZORAM COVID 19 DATA
  • Total Discharged - 122
  • Active Cases        - 29
  • Total Cases          - 151

Post a Comment

0 Comments