Aizawl | June 7, 2020: Mizoram leh Mizo khawvel-a infiamna website hlun leh lar inkhel.com chu tihtawp a ni dawn.
"A chang chuan kan ngainat em em te pawh kan kalsan a ngai thin. Chu chu thil harsa ber zing ami a ni thin." tiin Inkhel.com FB page lamah hemi chungchang hi zirtawpni khan an post a.
Website tihtawp tur thu hi post in, "Inkhel.com hi Website tihtawp a ni dawn a, thla hnih khat hnuah application lamah an insawn tawh dawn. Kan traffic hi 99% mobile a nih laiin desktop hi 1% pawh a tling ta lo." an ti a.
"Website ah hian text a protect theih loh a, facebook page-a kan share hmain kan content te hi whatsapp lamah min copy paste sak thin. Hengte a nih avang hian apps lamah kan insuan a ngai dawn ta a ni." tiin an post bawk.
An apps buatsaih mekah hian features tha tak tak a awm dawn a. Chu erawh inkhel member te tan chuan thu lawmmawn tak a ni. IOS leh android a ni anga, Livescore, live text, breaking news notification leh contest neih theihna tur thlengin an bilh tel dawn. Insta leh Facebook page erawh a kal ngaiin a kal anga, an content te an la rawn share reng dawn bawk a ni.
Inkhel.com hi October 7, 2010 khan Digimalt leh Muantea Chinzah ten digiball10 tia an din a ni a, a hnu-ah inkhel.com tiin domain pangai ah an thian dang pathum Zaua, Solomon leh Puipuia bakah Administrators 10 te nen Mizo sports website tha tak an kalpui ta a ni.
(A hnuaia fakna hi lo hmet ve rawh.)
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: