GSI in Jamshedpur atanga hnaite-ah rangkachak kg 250 vel hmuchhuak

Aizawl | June 07, 2020: Geological Survey of India (GSI) chuan nimin Inrinni  khan Jharkhand state chhungah rangkachak  250 KG vel tur a hmuchhuak.
GSI chuan rangkachak hi Jharkhand state-a  East Singhbhum district chhung Bhitar Dari khua, Jamshedpur ațanga km 20 vela hlaah an hmuh chhuah thu an puang tih Economic Times chuan a tarlang.


GSI thu chhuahin a sawi dan chuan June 3, khan hemi chungchanga an report leh hmasawnna te State Sorkar hnenah an hrilh tawh a, State Sorkarin rangkachak lai chhuak tura  helai hmun leh a chhehvel te a lilam thuai theihna tur a ni. 

Hetiang zawnga an beih vel lai hian, GSI chuan hmun rukah a zawnna khur feet 600 vel zeta thuk an lai a, an zawnna hi  Bhitar Dari-Hakegora area-ah a ni.  An ngaihdan leh hmuh dan chuan  Bhitar Dari lai velah hian  lei chhung 150 metre vela thukah rangkachak hi awm turin an ngai.

GSI technical report in a sawi dan chuan hmun 709 ațangin core samples an la a, gold ore 3,40,354.7 tonnes ațangin  grade of 0.71 g/t leh  0.4 g/t  awm thei tur leh  55196 tonnes, gold ore ațanga average grade of 1 g/t with 1 g/t cut off awm thei turah an ngai.

Rangkachak zawn leh laih chhuah hna (gold mining activities) hi helai bial velah hian kum  2013-14 ațang khan țan a ni tawh a, GSI senior Geologist ten survey, mapping leh sampling hna te an thawk a. Hemi hnu hian a khur laih (drilling activity) hi kum  2017-18 leh  2018-19 chhungin an thawk leh ta a ni.

Source:
Swarajya
June 07, 2020
@ 9:46 AM IST

====07==06=20=
- Huna Kawlvawm

Post a Comment

0 Comments