KHAWTLANG HREM HMUN

Thu chhiar kawnga taimak hi a har khawp mai a, a thui deuh phei chuan ‘hman huna chhiarah’ hi kan ti deuh fo. Kan mit leh beng fah deuh thil erawh, hun chep tak karah pawh kan zawng lui fo a, thu ṭha lam aiin thu lungchhiatthlak leh selna lam thuah te hian kan mit leh beng fukna a tam zawk a ni. Hmasawn duh si, hmalam pen hleithei lo hi a tam zawk kan nih ngei pawh a rinawm.

Mihring ze mak tak mai hi thu ngaihnawm a tling a, ‘hei hi a ni e’, ‘chu chu a dik e’ tih chat chat hi thil har tak mai a ni. Survey nena miin zirchianna an neih pawhin, a chhangtu rilru put hmang kha a hun tawn mek leh a thil lo tawn tawhte a zira dang thei thil ala ni cheuva, a rintlak dan tawk hriat thiam chin neih a ngai ṭhin. 

Mahni ke hniak hre nalh nalh khawpa mahni inhre chiang si lo hian, midangte hniakhnu chhui erawh kan thiam em em lawi a. Thil ṭha duhtu inti te bawk hian, thil ṭhalo umzui kan taima phian. Kan tlawmngai em em a, tlawm-ngama inngaitlawm tak erawh mi tlemte an ni. Midang kut ringa chaw hmuh tumtute bawk hian midang kuta sa-hrang kan hmu lian chawk. Khawvela kan mi ngaihsan em emte chanchin chhiar leh ziakin kan buai em em a, kan mi ngaihsan loh em emte chanchin pawh kan sawi bang chuanglo a. Midangte hmangaih kan inzirtir mek lai hian, mahni hma sial takin tiamchin ram thlen kan inbesei fo. Heng zawng zawng tichiang a, fawmkimtu chu famkim lohna leh mi hrang a din leh duan kan nihna hi a ni awm e.

Midangte ngaihdan leh nihna zahsak hi zahawm taka mi siamtu hmanraw pawimawh tak a ni a, kan hriatna, thiamna, theihna leh kan thil thlir dante in ang vek tur emaw a midangte va beiseitu chu a na fo a, kan duhthusam ang a kan rilru ang vek pu-mi hi nise, kan na zual lo ang tih sawi a har hle. Khawvel changkanna in kan nihna tilangchiang zual thei thil tam tak a rawn kengtel a, zalen ni a inhriatna chuan kan rilru sukthlek lam apiangah min hruai kawi a.


Mi pahnih khat hnena kan lawmna leh lungngaihna te, thinurna hri-thla hin khan mi tam tak hriat theihna dawhsan, mahni inchhungkhur ngei aangin kan rap pha ve ta a, tam takin chanchintha an au chhuahpui laiin, tam takin chanchin halo lam theh darhna hmanrua atan kan hmang ve bawk. Kan hman duh danah zalenna thui tak nei nih kan inhria a, midangte zalenna rap bet leh an huang tizim thei zawngin kan hmang em tih erawh ngaihtuahna chang hrelo pawh kan tam hle niin a lang.


Hla siamtuin “Kan thil hmuh leh kan hriatte hi, sawi lovin kan awmthei lo a ni.” A lo tih hi kawng tinrengin a dikna chen a awm thei awm e. Kan hmuh loh kan hriat, kan hriatloh thil kan hmuhte pawh hi a awm ve bawk a, chumi hriatthiamna neih vek chu thil har tak a ni hin reng a ni.


Mi pakhatin Pathian awm a rin loh thu a sawi a, a awm ngei a ni tih ringtu inti tam tak te’n Krista chanchin ha aiin kan tuipui zawk a, kan rin Pathian chu rintlak Pathian anih zia a hriat theih nan a awngaisak leh hmangaih a hnekin, diriamna lam hawi thil tam takin a hnunglamah kan vawm zui a. Fiamthu a kan ngaih thil tam takte hi, a tawngbawtu tan a nuihzatthlak thil a nih si loh chuan, mihring kan inchen lova, tam tak chu ahna leh lungngaihna in a zui fo a, hliama awmin nun khawharnaah mi a hruailut hin.

A thiam leh theite khawvel a awm a, chutiang bawkin a nei leh hmante khawvel pakhat tihtheih hial ‘Social Media’ hrang hrang kan nei ta bawk. Miin eizawnna atan a hman thil hi mi tam takin kan tlak ranpui ve bawk a. Kan hlimna hmun tam takah hian kan him em tih erawh mahni inenlet fo a ha. Engkimah a hatna leh hat lohna hi mitinah a hrang heuh awm e.

Mahni tana chhia leh ha thliar hrang thiam lo aiin, thliar hrang lem lo kan tam anih hmel a, hmasawn mamawh ber berte bawk hi in hmukhawmin kan inchuktuah fo ni ber in a lang. Mitin hian thil atthlak tak kan ti heuh ngeiin a rinawm a, kan thil atthlak tak tihna hmun leh hun ten a zir hin avanga khawtlang mit hmuh a mualpholo hi mi tam tak kan ni ngei ang. Kan hriat ngei tur atan thil angkai pawimawh ziak a tarlangtu tur an awm a, kan hlawkpui lemloh tur mimal nun khawih thei thil tarlan fo erawh mahni chungah alet ve lo ang tih sawi a har. Hremhmun hi keini siam a din tur a nilo tih kan hriatthar a pawimawh awm e.


Kan tisa aanga chhuak thil ha beseitu chuan kan thil chawk luhna lam a ha tawk em? tih a ngaihtuah fo angai a, Chanchin ha hril tura tihten chanchin ha lo lam kan buaipui tlat si chuan chhandamnaa lungawi si in kan sawngnawi hle mai dawn a, chaw tak awmna Lehkhabu Thianghlim hre si a, chaw lem lam zawk buaipui a theh darh lam hna kan thawh chak zawk chhung chuan, ‘A ram leh a felna’ zawn hmasak kawngah kan pachhe hle a tih theih a. Mahni kan inhmangaih luatna vanga Krista hi bel loin, min hmangaih em avang zawk a hmangaih letna hian chaw tak min hlui hin zawk a lo ni.

Marka 16:15 “Tin, an hnenah, ‘Khawvel zawng zawngah kal ula, thilsiam zawng zawng hnenah chuan Chanchin |ha hi hril rawh u.’ 

Galatia 1:11 “Chutichuan, unaute u, ka chanchin ha hrilh kha mihring lam thu a ni lo tih ka hriattir a che u.” 

Kan buk-lung heuh te hi kan mit leh beng a ni a, buk-lung inang lo theuh hmang kan nihna lai erawh kan hrethiam lo fo. Midangte tihlawm kan tum nasat luatah mahni kan inhliam fo a, lawmna dik tluantling hi, midang lawm zawng tihhlawhtlin hmasakna lam aiin, Krista lawm zawng puitlinnaah a awm zawk hin. Hlawhchhamna leh vànduainaah midangte súlhnu màm lo laite puh-mawh a mahni súlhnu chhuilét ngai lo mi chuan malsàwmna chahbi chu rap betin, a awm hmun sawh sawn a harsat hin a. 

Midangte hat lohna leh tlin tawk lohna avánga hlawhchham ta a inngai te, an khawsak mil a hlawhtling tur a inngai mi chuan a tihdanglam theih loh tur midang nun siam tum nàn a hun hlu a khawhral thlàwn a ni. Danglamna thlenna hmun tur hi mi te thinlungah ni lovin mahniah bul a intan hin a, kan tihdanglam theih loh tidanglam theitu Krista avang zawk erawh chuan ringtu nun a hang hin a, amah ringa bel tlattu kaltlangin Pathian a lo inpuang zawk hin a ni.

A tawp berah chuan, kan nuna kan mamawh em em thute hi, Pathian Lehkhabu Thianghlim hian a lo fun kim em em mai, a ringa zawm apiangte tana malsawmna tuikhur hlu ngei chu a ni.


Ephesi 4:30-32
“Tin, Pathian Thlarau Thianglim chu tilungngai suh u, tlanna ni atan chuan amahah chhinchhiaha in awm kha. khakna te, thinurna te, tauhna te, anna te, sawichhiatna te zawng zawng chu bansanin awm rawh se, sualna zawng zawng nen. Tin, inkhawngaih tawn a lainatna neiin awm ula, Pathian Kristaa a ngaidam che u ang bawkin inngaidam tawn rawh u.”


- Leo Khiangte






(A hnuaia fakna hi lo hmet ve rawh.)

Post a Comment

0 Comments