Aizawl | June 07, 2020: Jammu & Kashmir, Shopian District chhungah vawiin chawhma khan India sipaite leh helho inbeihna thlengin, Sipaite hian hel mi panga an kah hlum thu J&K Police thu puangtu chuan a sawi niin PTI in a report.
Sipaite hian Repan bial, Shopian District ah hian India ram lo luhna khàn hrang hrangah mihring lo lutte uluk taka an endik bakah helho zawn chhuah hna an kalpui lai a ni. Tukin zing khan an thu dawn helai vela helho awm thu chu bawhzuiin hetiang thil hi a thleng ta niin police official chuan a sawi.
Police thu puangtu sawi zel dan chuan anmahni zawng tura sipaite chu helho chuan lo kap hmasain, an inkap zui ta a, hetia an inkah lai hian terrorist pathum kah hlum an ni a, hemi hnu hian pahnih dang kah hlum an awm belh thu official te chuan nemnghetin, hel panga kah hlum an ni.
Heng hel kah hlum tak te hi tunge an nih leh eng hel pawl (terrorist group) nge an nih hriat a ni lo. Jammu & Kashmir ramri lehlam China lam ram ri lamah India sipaite an inchhek lut hnema hriain helho hi an huangtau thar nia hriat a ni.
Source:
Times of India
June 07, 2020
@ 17:46 IST
====07===06==20==
- Huna Kawlvawm
Post a Comment
He post chungchanga i ngaihdan lo sawi ve rawh: