COVID 19: Sample Latu tirhchhuah belh

Aizawl | June 7, 2020: State Field Laboratory Unit hmalakna in, chak zawka Government leh Community Quarantine Facilities-a awm mek te an hrawk leh ka atanga sample (swab sample collection) lak a nih theih nan nimin khan CMO East leh West, ZMC leh MMU hnuaia thawktu Doctor, Nurse, Lab. Technician, Health Worker leh Cold Chain enkawltute bakah thawktu dangte chu sample la turin tirh chhuah an ni.



Nimina thawktu tirh chhuahte hi Health Directorate Conference Hall-ah koh khawm an ni a. He hmunah hian State Field Laboratory Unit Leader Dr Pachuau Lalmalsawma Epidemiologist, SNO, IDSP  kaihhruaina hnuaiah sample lak dan chungchangah uluk takin briefing leh demonstarion neihpui hmasak vek an ni. Thawktute hi mi 30 niin team 7-ah then darh an ni a. A tul anga inhrilhhriatna neih a nih hnu-ah Dr. Pachuau Lalmalsawma’n fuihna thu a sawi a. Hemi hnu hian Infuihtharna Thu an sawi rual bawk. Heng thawktute hian Quarantine Facilities hmun hrang hrangah insem darhin quarantine mekte sample an la a ni.

He thu buatsaih lai hian report dawn kim a la nih loh avangin vawiina an sample lak zat hi a la chiang thei lo va.  Heng sample te hi ZMC lamah RT-PCR test tih tura thawn phei nghal a ni ang. Hetianga sample lak hna hi kal chhohpui zel tura ruahman a ni.

EXPLORE MIZORAM



(A hnuaia fakna hi lo hmet ve rawh.)

Post a Comment

0 Comments