Aizawl | June 16, 2020: Lunglei District mi leh sa state pawn atanga lo haw, government quarantine facility, community quarantine facility leh home quarantine-a khung hran mek zat chu vawiin chhun dar 12:00 thleng khan mi 798 a ni.
Sawrkar thuchhuahin a tarlan danin, Hengte hi sawrkar Quarantine Centre/DCHC/CCC-ah mi 487, Community Quarantine (kohhran hall) ah mi 211 leh mahni ina inkhunghran (Home Quarantine) mi 100 an ni.
An zinga mi 45 COVID-19 positive-te zinga mi pahnih chu Lunglei District Dedicated Covid Health Centre (DCHC), ETC, SIRD Pukpui ah awmin a dang 43 chu Covid Care Centre, Lunglei Government College-ah dah hran niin, an hriselna dinhmun vil reng a ni. Dinhmun hluahthawnawm an awmlo a ni.
Nizan khan Tamil Nadu atangin mi 15 (Mipa -12 leh hmeichhia - 3) rawn thlen belh in Government High School ah H&FW thawktuten screening an lo nei a. Heng mi 15-te hi RAT non-reactive vek niin an Swab sample pawh RT-PCR test tura lak nghal a ni a. Screening neih zawh hnu hian Higher and Technical Institute of Mizoram (HATIM) hostel ah dah luh an ni.
Attachment
Post a Comment
He post chungchanga i ngaihdan lo sawi ve rawh: