COVID 19: Hripui do naa tlawmngaia thawk turin inpe

Aizawl | June 16, 2020: Covid-19 do kawnga a ṭul anga thawk turin  vawiin khan Lunglei District-ah Medical Volunteer mi pali an  in inpe.

An ni bakah hian Kolasib a Nurse zir chhuak pahnih nula Lineth Lalmalsawmi d/o Rochangliana, College Veng leh nula Deepty Thapa, Tumpui Banglakawn te chu a tulna apianga hnathawk turin Kolasib bialtu MLA Pu K. Lalrinliana, Minister of State hnenah nimin leh nizan khan an in volunteer.



• Laldinpuii 22 yrs. D/O Pu.Zoramchanthanga, Kikawn, Bazar Veng Lunglei . Diploma in Medical Laboratory Technology a train chhuak a ni.
• F Remruatsanga 21 yrs. S/O Pu.Lalchangliana, Theiriat, Lunglei. Auxiliary Nurse midwifery (ANM) zir chhuak tawh a ni.
• PC.Lalramhmahruaia 22 yrs. S/O Pu.PC Lalmuansanga, Ramthar Veng, Lunglei. Diploma in Medical Laboratory Technology a train chhuak a ni.
• C. Lalthanpuii D/O Dr. CT Lalruatthanga, Chawnpui Veng, Tlabung. kum 2018 khan General Nursing and Midwifery (GNM) a zirchhuak a, state páwn hmun ṭhenkhatah pawh hun eng emaw chen a lo thawk tawh a ni.


    
•  Nl. Lineth Lalmalsawmi hian kum 2016 - 2019 chhung khan Bethesda School of Nursing, Churachandpur, Manipur ah GNM zir a, Covid-19 lockdown tan tirh March, 2020 atang khan an chenna Kolasib College Veng Village Level Task Force duty naah May thla thleng khan a tul tul a thawk thin a, VLTF tan a tangkai thei hle. 
   
Ni 15.6.2020 (YMA Day) a Kolasib bialtu MLA Pu K. Lalrinliana, Minister in a bial chhung a fan paha YMA leh MUP te hnena Parachute a sem tum a College Veng a tlawhna ah Nl Lineth Lalmalsawmi hian Covid-19 hrileng mek dona kawngah leh a tul tuk thawk tura a in peih thu ziak in a in volunteer thu hi Minister hnenah a thlen a, Minister hian Kolasib District Hospital lama thuneitute hnenah a hrilh chhawng leh a ni. 

• Nula Deepty Thapa hian kum 2010 - 2014 chhung khan Bangalore (Bengaluru) a RR Institute of Nursing ah GNM a zir zo a, a zir chhuah veleh a thiamna hmang tangkai nghal in Kolasib District Hospital a thawktute ah thla thum chhung a pui a, hemi hnu hian Silchar a Cachar Cancer Hospital ah kum 5 a thawk a, a thawh chhung hian Cancer enkawlna ICU ah in-charge niin, Oncology (cancer enkawlna) lamah 1 year course a zir zo leh a ni. 
      
Nl. Deepty hian ni 15.6.2020 zan khan Pu K. Lalrinliana, Minister hi a chenna in, Kolasib Banglakawn ah a hmu a, Covid-19 hrileng dona kawngah leh a tulna apiangah hman theih anih thu ziak in a thlen a, Minister hian District Hospital thuneitute hnenah a thlen sak a ni.
     
Kolasib DMS Dr. Robert Lalfakzuala chuan hetiang mi, mi dangte tana an thiamna leh finna pe phal leh mahni in phat an awm zel hi a thlamuanthlak hle ani, tiin, heng mi tlawmngaite hi hun remchang hmasa berah an thawh tur ruahman sak ani ang, a ti. 


Inputs from: DIPR

Post a Comment

0 Comments