Aizawl | June 21, 2020: Blackpink member leh an main dancer ni bawk Lisa Manoban chuan April 20, 2020 khan ama youtube channel 'Lili film' ah Quin and 6lack te hla "Mushroom Chocolate" a lam lai video a post a, he video ah hian backdancer tel lovin top var leh knee high boot nen hnehsawh takin a lam thiam zia a rawn pholang a ni.
Video:
He video hi a lar nghal hle nghe nghe, ni 4 chhung lek in viewer 10 million lai a nei hman a ni.
Video a chhuah hnu atanga ni sarih na April ni 27 khan American choreographer lar tak Cierra Nichols chuan Lisa in a lamdan a copy thu a rawn sawi chhuak mauh mai!
Cierra Nichols hian a instagram story ah Korean singer pakhatin credit pawh pe lovin a lam dan a copy thu leh 7.8 million view nikhat chhung leka a neih thu a tarlang a ni.
Lisa leh Cierra te lamdan hi en kawp chuan floor dance ve ve a nih avangin inan na chin awm mahse, an lam dan step erawh a hrang hlak a .Lisa choreographer hi Cheshir Ha a ni daih thung.
Lisa fans BLINK te rawn che chhuak nghal in an idol thlavang chu an rawn hauh na rem rem hle, Cierra chu instagram leh twitter lamah an rawn sawisel nghal luai luai a," Lisa hian midang lamdan a copy ngai lo, a talented ve tawk" tih te in Cierra chu an chuk rawn nghal luai luai a, beihna leh huatna a dawn nasat em avangin Cierra hian Lisa, YG Entertainment, Chesir leh Bloc Talent te chungah ngaihdam a dil phah nghe nghe a ni.
Cierra Nichols chuan, "Lisa, YG Entertainment, Chesir and Bloc Talent Agency te chungah ngaihdam ka dil a, ka thu post kha an mahni chungchang a ni lova, an nihna pawh a ni hek lo "
"Artist ka nih angin ka ngaihdan te inngaihtuah chiang lovin ka sawi chhuak a mahse khatiang zawng khan sawi lo tur ka ni a, sawi chhuak lo tawp tur ka ni zawk, ka thil tih dan avang khan keimah ngeiin mawhphurhna chu ka la vek ang "
"Ka thil tihdan avang khan midang pawhin inzir nan lo hmang se, tumah huat emaw ti duhdah leh ti el zawngin midang te ti lo se. Zirlai tha tak ka zir chhuak a ka mihring puite rilru ti na tawh lo turin leh zah tawh turin. He ka experience atang hian inngaihtlawmna hlut zia ka zir chhuak bawk a ni"
"Lisa nen a kan lamdan ka tehkhin hnu khan heihi sawi tel ka duh, kan lam dan step kha inang tamtak a awm a mahse Lisa emaw a choreographer khan min copy lo a ni tih hi" tiin a ngaihdam dilna hi a post a ni.
Cierra Nichols hian eng ang pawhin ngaihdam dil mahse Lisa fans te erawh an lung ala dam thei meuh lo, tun thlengin Cierra hi a thil post apiangah an la bei let char char a ni.
Columnist, EXPLORE MIZORAM
Post a Comment
He post chungchanga i ngaihdan lo sawi ve rawh: