COVID 19: Positive pakhat hmuhchhuah belh; Hri vei mek 133 awm

Aizawl | June 22, 2020: Nimin khan Zoram Medical Colllege (ZMC)-ah sample 562 test niin positive pakhat hmuhchhuah a ni a, 561 a negative. Heti hian Mizoramah COVID 19 vei mek mi 133 an awm a, dam tawh mi 9 awmin, an vaia belhkhawmin mi 142 an awm.


Vei hmuhchhuah thar hi mipa kum 30, Siaha District, Delhi atanga lo haw, symptoms nei lo, quarantine facility a awm lai a ni.

District tina sample test dan: Aizawl-459, Siaha -30, Mamit -22, Khawzawl -38 leh ZMC a dam lo enkawl lai mi 13 an ni.

Nimin vek khan ZMC-ah COVID 19 vei mek sample test nawn leh niin Lunglei atanga sample 45 zinga mi 35; Mipa 21 leh hmeichhia 14 an negative a, Khawzawl atanga sample 2 zinga hmeichhe pakhat a negative bawk. Heng mi 36 te hi kalphung pangngai angin damdawi in an chhuahsan theih hunah dam/cured a chhiar an ni ang.


Tuna Mizoramah COVID 19 positive 142 awm tawhin, vei mek hi 133 an awm a, mi 9 an dam tawh. Damna chang tawhte hi Aizawl district mi 3 leh Kolasib district mi 6 an ni.

District hrang hranga COVID 19 vei mek dinhmun; Aizawl - 30, Lunglei - 46, Siaha - 9, Champhai - 8, Kolasib - 5, Serchhip - 3, Lawngtlai - 8, Mamit - 18, Khawzawl - 3, Hnahthial - Nil, Saitual - 3 an ni a, an vaiin 133 an ni.

Tunah hian Mizoramah COVID-19 positive 142 an awm a, dam tawh pakua awmin, Hri vei mek mi 133 an awm mek a, Hnahthial district a la him.

Heti hian Mizoram ah COVID 19 positive hrim hrim 142 an awm tawh a, Mipa 67 leh Hmeichhia 75 an ni.

Post a Comment

0 Comments