COVID 19: Hripui do nan Indian Hockey player Lalremsiami Hmar a luang chhuak

Aizawl | June 21, 2020: Indian Hockey Women player Lalremsiami Hmar chu hripui do nan a luangchhuak a, vawiin khan Kolasib DC hnenah hripui do nan cheng 50,000 a hlan.


Lalremsiami Hmar hi Mizoram-ah a awm loh vangin a nu Lalzarmawii'n a aiawhin Kolasib DC Dr Lalthlangliana hnenah a hlan.


Vawiin hi Lalremsiami pa, Lalthansanga thih cham vawi khatna a ni a, Lalremsiami hian a pa thih cham puala hlan a nih thu a sawi.

Mizoram fanu rangkachak, Khawvel hriata Mizo hnam tihmingṭhatu Lalremsiami hi nikkum June.21 khan apa Lalthansanga chuan South Korea-a inkhelh pawimawh tak an hmachhawn laiin mual a liamsan tawh a ni.

A thiante'n Siami tia an koh thin, Lalremsiami Hmar hi  Lalthansanga (L) leh Lalzarmawii te fanu niin, 2000 March 30 khan a lo piang a. Kolasib College venga awm an ni a. Tunah hian India Hockey Team a player pawimawh tak  mai a ni mek  a ni.

I CHHIAR TEL DUH NGEI ANG:


Post a Comment

1 Comments

  1. Lalremsiami hi Mizo nula ah chuan a ngaihsanawm ber pawl a ni.

    ReplyDelete

He post chungchanga i ngaihdan lo sawi ve rawh: