Kum nga chhung in Urban Forest scheme hnuaiah ‘Nagar Van’ 200 siam dawn

Hmanlai thingtlang khaw bul ramngaw ang kha Urban Forest hmangin khawpuiah din a ni dawn: Prakash Javadekar

Aizawl | June 5, 2020: World Environment Day denchhenin Sorkar chuan vawiin khan Nagar Van scheme kalpui tur thu a puang a. He hmalakna hnuaiah hian kum 5 lo awm tur chhung hian ram chhung hmun hrang hrangah Urban Forest 200 din a ni dawn a. Hemi tihlawhtling tur hian mipui leh Forest Department, Municipal body-te, NGO-te, Corporate-te and tualchhung mite an thawk ho dawn a ni.  World Environment Day (WED) hi kumtinin June ni 5 ah hman thin a ni a. Ministry of Environment, Forest & Climate Change chuan United Nation hnuaia  Environment Programme (UNEP)-in thupui a thlanchhuah thlurbingin WED lawmna hun hi buatsaihin hemi ni pual hian kawng hrang hrang a hun hman a ni a.  Kumin a thupui thlanchhuah hi ‘Biodiversity’ a ni. COVID-19 hripui leng mek vangin Ministry chuan kumin a World Environment Day hi virtual celebration a buatsaih a. Kuminah hian thupui thlirbing atan Nagar Van (Urban Forests) hman a ni.

 Urban Forest kalpui dan chungchang brochure tlangzarha Nagar Van scheme puangin  Union Environment Minister, Pu Prakash Javadekar chuan heng ramngaw te hi khawpui tan boruak hip tur an ni dawn a, khawpui chhunga forest huam chhungah emaw tualchhung thuneitute’n ram ruak an pekah emaw din an nih tur thu a sawi a. Kumin thupui – "Time for Nature” tih chu biodiversity thlurbinga  sawi zauin Pu Javadekar chuan “Ramngaw leh nungchate hi kan humhalh anih chuan ramngaw leh nungchate hian min venghim let dawn a ni” a ti.

Vawiin a Environment Day lawmnaah hian Punaikar-te leh Forest Department leh tualchhung thuneitute thawkhovin rambua hectare 16.8 a zau ramngaw hring dup hmun a an chanter dan film tihchhuah a ni a. Tun dinhmunah hian ramngaw hi biodiversity ah a hausa hle a - thing chi hrang 23, sava chi hrang 29, phengphehlep chi hrang 15, reptile chi hrang 10 leh mammal species 3 an awm a. He Urban Forest project hian ecological balance a tihthat mai bakah environment siamthain  mipui mamawh a phuhru a. Wajre Urban Forest hi ramchhung hmundangte tan entawn tlak a ni der tawh a ni. 

Kumin thupui Biodiversity chungchang thlurbingin Environment Minister chuan India ram hian khawvel a biodiversity 8% a nei a, khawvel a khawmual 2.5% chauh neiin, khawvel mihring leh ransa 16% te’n chenna atan hmangin tui thianghlim intlak 4% chauh nei mahse biodiversity lian tak kan neih hi India ram mipuite’n ramngaw leh nungcha kan ngaihhlut leh zahthiam zia tilang tu a ni” a ti.

 Indian culture sawilangin Pu Javadekar chuan India ram hi thingkung pathian ang a biakna ram awmchhun a ni hial maithei a; ransate, savate leh reptile-te pawh pathian ang a bia an awm a, hei hi India ram michengte’n environment zahna an lantir dan a ni. Hmanlai hun atangin khaw bul ramngawte uluk taka humhalh thin a ni a, tuna urban forest scheme thar hian hei hi a rawn chhawm nung thei dawn a, a chhan chu khawpuiahte hian huan/lo a awm a mahse ramngaw erawh a vang hle thung; urban forest hi kan siam anih chuan boruak chhia kan titlem thei dawn a ni Union Minister chuan a ti. 

He hun hmangtu zinga tel Union Minister of State Pu Babul Supriyo chuan thing phun leh  soil moisture conservation a pawimawh zia thu uar taka sawiin kan ram chhunga biodiversity humhalhna atana thil pawimawh berte an ni a ti a.  Soil degartion, lei chunglang luang ral leh lui tui luang kam mekte tireh a hetiang lam harsatna sukiang tur chuan kan zavaia lungrual taka kan thawhho a ngai a ni a ti.

He hun hi Executive Director, United Nation Convention to Combat Desertification, (UNCCD), Pu Ibrahim Thiaw leh Executive Director United Nation Environment Programme(UNEP), Pi Inger Andersen-te pawhin an awmna hmun atangin an chhim a. 

UNCCD executive director, Pu Thaw chuan tunah chuan ramngaw leh nungchate’n min mamawh aia nasain keini hian ramngaw leh nungchate kan mamawh hun kan tawng chho mek a. Mihringte hian ramngaw leh nungchate nena kan inlaichin dan hi ngaihtuah nawna kan ngaihven a ngai a. Mihringte hian ramngaw leh nunchate laka kan rilru put dan hi kan thlak danglam a ngai a ni” a ti.

 Kumin thupui thlurbingin Pi Andersen chuan ramngaw leh nungchate humhalh zawng a hma kan lak chuan hripui leng thei a tlem phah ang a, sustainable development goal kan thlen theih dawn bakah sik leh sa inthlak danglam kan timuang ang a, kan hrisel phah ang a, ei leh bar lamah hma kan sawn ang a, boruak thianghlim hip tur leh ramngaw a len khawthawn te kan ti thei dawn a ni tiin COVID hnua kan khawvelah chuan ramngaw dinin keimahni kan invenhimna atan kan khawvel hi kan veng him a ngai dawn a ni a ti.

Maharashtra state Minister (Forest) Pu Sanjay Rathod, Secretary, Ministry of Environment, Forest and Climate Change , Pu R P Gupta, DG Forest& Special Secretary, Pu Sanjay Kumar, Anand Deshpande of Persistent System leh Dr. Vinita Apte, Director, TERRE Policy center, Pune te pawh he hunah hian telin thu benglut tak tak an sawi a ni. 

Urban forest is the best way to bridge this gap. The Ministry of Environment, Forest & Climate Change has therefore, appropriately adopted Nagar van as the theme of WED celebrations 2020 to promote and conserve biodiversity in urban landscapes.

India ram hi biodiversity lamah a hausain  ransa leh thlai chi hrang an tam hle a, khawvel a bio-diversity hotspot 35 zing a 4, endemic species engemawzat awmna hi India ram a awm a ni a. Amaherawh chu mihring pung chak avangte, ramngaw tih chereu avangte, khawpui zauh belh zel avang leh industry hmun din belh zel avangin ramngaw leh nungchate’n an tuar a, biodiversity kan hlauh phah nasa hle a. Kan planet a thilnung zawng zawngte damkhawchhuahna atan hian Biodiversity hi a pawimawh hle a. Ramngaw leh nungcha humhalh hi hmanlai atangin ramngaw pilril zawkah chuan tihthin a ni a mahse khawpui a lo than zel takah hian khawpui huamchhungah pawh hian biodiversity humhalh a chhanhim hi a lo ngai ve ta a. Urban Forest hi hemi kawnga mamawh chhanna niin a lang a. Hetiang anih avang hian Ministry of Environment, Forest & Climate Change chuan WED lawmna 2020 atan hian Nagar Van hi thupui atan a thlang a, hemi hmang hian khawpui a biodiversity promote leh humhalh tum a ni. 

- PIB Aizawl