De Singh'an e-Symposium 2020, IIM Shillong leh Dr APJ Abdul Kalam Centre for Policy Research & Analysis a hawng
Aizawl | June 5, 2020: Union Minister of State (I/C) for Development of North Eastern Region and Minister of State in Prime Minister’s office, Dr. Jitendra Singh-an vawiin khan Hmarchhak state chu sumdawnna hmun pui ber a la ni dawn tih a sawi. COVID avanga ram buaina a reh hunah Hmarchhak state chu economy, sumdawnna, scientific research leh thil dang danga hma hruaitu ani dawn a ni a ti a. Tunah hian he dinhmun luah tur hian tan zel a tul thu leh Startups te tana hmun tha leh him ber anih thu a sawi.
Video Conferencing hmanga e-symposium 2020, Dr APJ Abdul Kalam Centre for Policy Research & Analysis leh IIM Shillong buatsaih a hawnna ah Dr.Singh chuan Modi sawrkar kum 6 chhung hian North East state te chuan tun hmaa an hmuh ngai loh hmasawnna leh ngaihsakna an hmuh thu a sawi a, tunah chuan state zawng zawng nen angkhata en an ni a ti. Hei hian mipui te thinlung ah sawrkar rinngamna a nghat a, ram chhung leh ram pawnah eng level ah pawh an tel thei ta a ni a ti.
Dr.Singh chuan sawrkar hmasa ten Hmarchhak state chu an hlamchhiah fo thin thu a sawi a,tunah erawh chuan sawrkar in a ngaihsak a ni a ti. Hei vang hian inkalpawhna tha te buatsaih mek a ni a, entreprenuer tam zawk chher chhuak turin hmalak mek a nih thu a sawi bawk.
Kum 6 kalta atang khan hmasawnna tam tak a thlen thu a sawi a, kawngpui tha, rail kawng leh thlawhtheihna hmanga inkalpawhna te chu tun hma aiin a ni a ti a. Awlsam zawka mipui an zin theih nan leh bungrua awlsam zawka thawn chhuah leh lakluh theih a nih thu a sawi bawk. Arunachal Pradesh leh Meghalaya te chu rail kawng nei lo ni thinin tunah chuan an nei ve ve tawh a. A vawi khatna atan Sikkim ah Airport siam a ni bawk. Tunah hian lawngchawlhna hmun siam tumin hmalak mek a ni a, hei hi PM Narendra Modi kaihhruaina hnuaia Indo-Bangladesh inremna anga kalpui tur a ni. Tun atanga hun rei lo te ah Tripura atangin Bangladesh thleng rail kawng a tlang thuai dawn a, hei hian tuipui hmanga inkalpawhna a hril tel thuai ang. Sawrkar ruahmanna thar North East Road Sector Development Schemes (NERSDS) hmangin inkalpawhna kawngpui te siam that a ni a, tun hmaa inkalpawhna awm lohna hmunah te kawng thar siam a ni a ti.
Sawrkar leh Ministry of DoNER chuan livelihood project nasa takin a kalpui mek a, a bikin thintlanga hmeichhia ten eizawnna an neih theih nana kalpui a ni. Horticulture, Tea, Bamboo, Piggery, Sericulture, Tourism etc ah hmalak mek a ni a. Hmarchhak state-a bamboo te chu India bakah he khawmualpui hian ala hlawkpui dawn a ti.
Sawrkar in heng te hi hmasawnna tur ani tih hriaiin tun hmaa kan hman thin Forest Act chu a thlak danglam a ni. Tourism a hmasawnna tur leh Europe khualzin te hipna turin hmalak a ni a, tual chhung entreprenuers te nasa takin a tanpui mek bawk.
Sawrkar in hma alak lai hian Dr.Jitendra Singh chuan IIM Shillong leh institution dangte chu sawrkar finchhuah turin a ngen a ni.Ani bakah hian Secretary DoNER Dr. Inderjit Singh, Secretary NEC Mr Moses K Chalai, Chairman, Board of Governors, IIM Shillong Shri Shishir Bajoria, Member Board of Governors, IIM Shillong Shri Atul Kulkarni, Director IIM Shillong Prof. D P Goyal leh Prof Keya Sengupta ten thu an sawi bawk.
- PIB Aizawl
Post a Comment
He post chungchanga i ngaihdan lo sawi ve rawh: