July 15 a sikul hawn tur sut turin BJP Mizoram in ngen

Aizawl | June 8, 2020: BJP Mizoram Pradesh chuan July 15 a Zirna in hawng tura tih chu a rang thei ang ber a sut turin Education minister an ngen a, Central ruahmanna zulzui a kal turin Mizoram Sorkar chu an ngen a ni.

BJP Mizoram chuan thuchhuah siamin, India ram pumah Novel Corona Virus hrikai thar an pung zel a, mi tin fimkhur lehzual a ṭul lai tak a Mizoram School Education Minister in  July 15 a Zirna in hawng tur a a tih hi a rang thei ang ber a sut leh turin an ngen a, Central ruahmanna zulzui a kal turin Mizoram Sorkar chu an ngen a ni.

Central Sorkar ruahmanna siam, Union HRD Minister Nishank Pokriyal in June 3 a a sawi ang chuan Zirna in te chu August thla chhunga hawn turin thuchhuah a siam a. Hetah pawh hian Green zone leh Orange zone a awmte an hawng hmasa anga, heng sikul ah hian social distance maintain chung leh vawikhatah a huho a kal lovin, a inchhawk a kal tur thu a sawi a ni.

Mizoram pawh kan tunlai boruak en hian kan Sorkar pawh mitdel kal a kal mawp mawp lo hian, he hrileng avanga kan buaina ah mithiamte rawn a, Mizo mipui kan him theihna'n ngaihtuahna zau tak nei a, inkhuahkhirna khauh leh awmze nei hmanga hrileng laka kan him theih nan hma la turin BJP Mizoram Pradesh chuan Mizoram Sorkar chu an ngen a ni.




(A hnuaia fakna hi lo hmet ve rawh.)

Post a Comment

0 Comments