Aizawl | June 4, 2020: Mizoram sawrkarin rem a tih chuan Mizoram chhunga college te July 13 atangin hawn tum a ni a. August 20 bawr velah 1st semester tan tum a ni.
Under graduate exam hrang hrang pawh July 20 atanga tan tum a ni bawk.
He thu hi vawiin khan Health & Family Welfare leh Higher & Technical Education Minister Dr R Lalthangliana hovin sawiho a ni a, hripui leng vanga College leh University khar mek, hawn leh hun tur leh Exam buatsaih hun tur chungchang an sawiho.
Sawihona-ah chuan Boruak a danglam lohva, sawrkarin rem a tih chuan July 13, 2020-ah College te hi tan leh beisei a ni.
College hawn leh hun tur rawtna chu State Executive Committee, State Disaster Management Authority in an pawmpui turin SEC la thlen tur a ni a. Ruahman dan chuan Ist Semester hi August 20 bawr velah tan beisei a ni.
Under Graduate (VI) (Final) Semester Exam leh Professional Course (LLB, BCA, MCA leh BBA) Even Semester 2020 (II/IV/VI/VIII) te chu July ni 20, 2020 ah leh Professional Course (B.Ed, M.Ed, M.Pharm(IV Sem tel loin), B. Bharm, B. Ed(Spl), B.Sc. (MLT), B. Optom, B.Sc. (RIT), BSW leh B.Sc. (Nursing)) Even Semester (II/IV/VI/VIII) te chu August ni 17, 2020 ah Exam tan turin ruahmanna an siam a.
Mizoram pawn atangin hnamdang zirlai RIPANS ah 300 bawr vel leh MZU ah 500 bawr vel an awm a. Heng hovin harsatna an tawh loh nan Exam hun hi ruahman a nih thu meeting ah MZU hotute'n an sawi.
Exam nan chauh a an hawng dâwn anih chuan a pawi lutuk lovang. Class pangai lâk nan erawh a him ka la ti chiah lo
ReplyDeleteA dinhmun mil zela her rem chi anih ka ring,college khat ah kan tam si a,
ReplyDeletePost a Comment
He post chungchanga i ngaihdan lo sawi ve rawh: