India-China Border vela thil thleng chungchanga PM thuchhuak

Thiante u,

India ram leh hnam mi huaisente chuan kan ram chhanin Galwan Valley-ah an nunna an hlan a.


Kan ram tana an inpekna ropui tak avang hian zahna chibai ka buk a. An inpekna avanga thinlung a lawmna nei chungin chawimawina ka hlan a. 

He lusun lungngaihna karah hian hnam Martar-te kalsan tak chhungte ka tawrhpui a.

Vawiin ni hian rampumin kan  hre reng che u a. Kan ram hian a tawrhpui takzet che u a ni.

Kan Martar-te inpekna famkim hi a lo thlawn dawn lo.

Eng thil pawh thlengin eng dinhmun pawh hmachhawn mahila India hian a ram chin inches khat lek pawh a chan dawn lova, a zahawmna pawh nghet takin a hum zel ang.

Hman a ta tawh India hi remna leh muanna duhtu ram a ni a. Kan ram history en pawhin remna leh muanna vawn nun zel kan duh thin.

India ram innghahna thupui chu - लोकाः समस्ताः सुखिनों भवन्तु। a ni.

Engtik lai pawhin khawvel pum leh mitin tan a tha tur leh muanna duh a beiseitu kan ni reng thin.

Kan thenawm ramte nen inpawh leh inhrethiam tlang takin kan thawk ho thin a. An hmasawnna tur leh an tan a tha tur kan beiseiin kan duhpui thin.

Thu inhmulo kan neih chang pawhin chung kan inhmuh fuhlona te chuan innghirnghona a thlen lohna atan hma kan la fo thin.

Tumah kan va cho hmasa ngai lo mahse kan ram zahawmna leh inrelbawlna tiderthawng thei thilah erawh chuan kan tlawm ngailo.  A tul anih phawt chuan kan ram inrelbawlna leh zahawmna  humhim tur chuan kan chakna leh theihna lantir kan hreh ngai lo.

Inpek pumhlumna leh chhelna hi kan ram zia rang pawimawh tak a ni a, huaisenna leh  tumruhna pawh kan ze pawimawh tak a ni.

Ram mipuite hnenah hian kan sipaite’n nunna hlan a an inpekna hi a lo thlawn dawn lo a ni tih ka sawi duh a.

India ram inrelbawlna leh zahawmna hi kan ngaih pawimawh hmasak ber a ni a, a venhim hna kan thawh hi tumahin an dal dawn lo.

Hemi chungchang hi tupawhin ringhlel lovin kan chiang ngam tur a ni.

India hian remna leh muanna a duh a. Mahse cho chhuah anih erawh chuan a tul ang zelin India hian a chhang let ang.

Inbeihna hmun a kan sipaite martar-na hi ramin a chhuang hle a. Kan ram leilung fa nunna chante zahna leh sunna atan ngawi reng a minute hnih chhung hun hmang turin ka ngen che u a ni.

New Delhi | 17 JUN 2020

- PIB Aizawl

Post a Comment

0 Comments