Aizawl-ah Khelo India State Centre of Exellence din dawn

Aizawl | June 17, 2020: Central Sorkar Ministry of Youth Affairs and Sports chuan Khelo India State Centre of Excellence Pariat (8) dinna tur a tihfel thu Union Sports Minister Kiren Rijiju chuan nimin khan a puang a, chung zingah chuan Aizawl thlan tel a ni.

Vawiina Sports Minister Pu Robert Romawia Royte hova Meeting chuan Aizawl Khelo India State Centre of Exellence hi RG Stadium, Dengthuama Indoor Hall, MSSC Sports Hostel Mualpui, Hawla Indoor Stadium, Aizawl Aquatic Centre te leh helai area a sports hmun hma siambelh turte pawh huam se an ti a. Sports Minister Pu Robert Romawia Royte chuan Khelo India State Centre of Exellence chang hmasa state pariat (8) zinga Mizoram a tel ve hi a lawmawm tak zet a, Union Sports Minister leh Sports Ministry chungah lawm thu a sawi a. Minister chuan bul tan nan Boxing, Weightlifting leh Judo thlurbing a ni ang a, discipline dang tepawh telh a ni ang, tiin a sawi.