Aizawl | June 21, 2020: A mihringpuite lainata hmangaih-tu chuan eng ang mi pawh nise, eng hunah pawh nise mi dangte tanpui turin a inpeih reng a, a inhuam reng thin. Mizoram Health & Family Welfare Board vice chairman leh MLA Dr ZR Thiamsânga chuan June 20 khan Champhai district tlawhin Champhai police station-a CCTV 6 leh Khankâwn police check post-a 3-te chu țangkai taka hmang tûrin Champhai police station-ah a hawng.
Hemi tum hian Dr ZR Thiamsanga, MLA chuan Zokhawthar Tiau lui kam a duty hmun-ah tlawhin an harsatna te a hmunah a enpui a. Hemi tum hian pumna vanga dam lo mek IR Constable Vanlalringa, pumna tuar mek chu enkawlin, MLA a nihna dahthain, Doctor a nihna zawk chu a phochhuak ta ni.
MLA zahawm tak hian ram chhan nana ramri-a duty chu enkawlin damdawi a pe a, hemi zan vek hian enkawlna dawng turin, khawl leh inenkawlna tha zawk dawng turin Champhai lamah inenkawl chhunzawm tura phurh a ni ta a ni.
Dr ZR Thiamsanga hi a bial mipuiten an thlamuanpui hle a. Hun dang hmun dangah pawh, a bial fanga khaw hrang hrang a tlawh changin dam lo tam tak endikin a enkawl a, thenkhat phei chu damdawi a pek mai bakah hmunpui an panna tur pawisa te a tumsak lehzel hial a ni.
Bial a fan chang in MLA tam zawkin mipui tan interview hun an hawn piah-ah a ni chuan 'inentirna hun' a hawng ta thin a. "Free Medical Camp a rawn buatsaih hi a ni deuh fo a ni' tiin a bial chhunga mite chuan an sawi.
Dam lote hi an natna dam nan damdawi a thlawnin a pe a, a then a chawh bawk a. A leina tur nei lo mi harsate a leina tur a la pe tel a. Hmun danga enkawl zui ngai, khawpui zawk pan ngaite chu pan turin a rawn a, thenkhat hmunpui panna tur nei lote chu an kalman tur a tumsak fo thin a ni.
Covid 19 Medical Operational Team leh Indian Medical Association, Mizoram Branch ten Indo Myanmar Border bul Sangau leh a chhehvel khua te tlawh a Sangau an kal tum in Sangau Damdawiin (PHC) a Nauvei, Engemaw harsatna avanga zan khua a nei thei tawh lo chu a hun chep tak karah an harsatnate hriatthiam puiin a endik a. Hemi tum pawh hian dam lo chu a dinhmun a ṭha lo tih a hriat avangin Damdawiin lian lam panpui nghal turin a râwn a, an kalna (Motor hman man) thlenga a tum ta a ni.
He dam hian Siaha Damdawiin panin Siaha Damdawiin ah hian an lo zai nghal a, Fanu duhawm tak an nei ta a ni.
Hemi vang hian open letter hmangin Dr ZR Thiamsanga chungah lawmthu an sawi hial a ni. ( Open Letter chu hetah a awm e.)
Mihring-pui lainat a, hmangaih a, a nihna dahtha a a inpek thinna hi a fakawmin a zahawm tak zet a ni.
- H Zate
Founder/Editor
Explore Mizoram
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: