COVID 19: Positive pathum hmuh belh; mi 16 tling tawh

Aizawl | June 4, 2020: Nizan zanlaiah khan Mizoram-ah COVID19 positive pathum (3) hmuhchhuah belh a ni a, an vaiin hmeichhia vek an ni.

Heng positive hmuhchhuah tharte hi Lunglei, Mamit leh Saitual District atangin hmeichhe pakhat theuh niin kum 19, 22 leh 45 mi an ni.

An vai hian tun hnaia state pawn atanga Mizorama lo haw vek an ni.

Tunhnaia Positive 13 hmuhchhuah nen active case hi an vaiin mi 16 an ni tawh a. Mipa 2 leh hmeichhia 14 an ni.

Heng hmuhchhuah tharte hi Delhi aṭanga rawn haw May 31 a Bairabi lo thlengte vek an ni a,  Quarantine lai vek an ni.

Tunah hian Zoram Medical College (ZMC) ah admit vek an ni tawh.

March thlaa hmuhchhuah dam tawh nena chhiar chuan Mizoram chhunga hmuhchhuah chu 17 an ni tawh.