COVID 19: Positive panga hmuhchhuah belh; Hnahthial district a la him!

Aizawl | June 15, 2020: Mizoram a COVID 19 positive 117 tlin nan nimin khan mi panga hmuh belh an ni. Dam erawh Mizoram a vei hmasa ber tih loh chu an la awm lo thung.



Nimin khan Zoram Medical College (ZMC) laboratory-ah sample 682 test atangin positive 5 hmuh belh a ni.

 
Heng Positive hmuhchhuah tharte hi Delhi atanga lo haw niin, Mamit District a cheng, hmeichhia kum 21-23 inkar, quarantine facility a awm, symptoms neilo vek an ni. 

Heti hian a dam tawh tiamin Mizoramah COVID19 vei 117 an awm tawh a, dam tawh mipa pakhat awmin, vei mek 116 an awm thung a, Hri vei mek hi Mipa 57 leh Hmeichhia 59 an ni.

 

COVID-19 vei mek zingah hian Aizawl District – 28, Lunglei District – 45, Siaha District – 4, Champhai District – 5, Kolasib District – 11, Serchhip District – 1, Lawngtlai District – 4, Mamit District – 14, Khawzawl District – 2 leh Saitual District – 3, an ni a.

Tunah hian Hnahthial district chu COVID 19 positive awm lohna district a ni mek a ni.







Post a Comment

0 Comments