Aizawl | June 18, 2020: Lunglei District mi leh sa state pawn atanga lo haw khung hran mek vawiin thleng khan mi 764 an ni.
Heng mite hi sawrkar Quarantine Centre/DCHC/CCC-ah mi 466, Community Quarantine (kohhran hall) ah mi 208 leh mahni ina inkhunghran (Home Quarantine) mi 90 an ni.
Nimina ZMC sample process result tih chhuah ah Lunglei District ah Covid-19 positive pakhat hmuhchhuah belh niin tun dinhmunah Lunglei District-ah Covid-19 positive case 46 a awm.
Tuna positive hmuhchhuah leh hi Community Quarantine Centre – BCM Chanmari-a awm sa mek niin Covid Care Centre, Lunglei Gov’t College-ah enkawl tura dah nghal a ni. BCM Chanmari CQC hmunhmate hi Disinfection Team ten an ti thianghlim nghal a ni.
Hemi chungchangah hian Lunglei DC chuan vawiin khan thuchhuah siamin Community Quarantine Centre – BCM Chanmari hung chhungah Medical duty, security duty, Deputy Commissioner – in phalna a pekte leh he Community Quarantine Centre-a thawk tura ruat-te bak mi tumah luh chhuah phal a ni lo.
Post a Comment
He post chungchanga i ngaihdan lo sawi ve rawh: