Aizawl | June 18, 2020: Mizoram a COVID 19 positive enkawl mek mi 129 zinga pariat chu sample test vawi hnih an paltlang hnuin result a negative vek a, naktuk khian Zoram Medical College an chhuahsan thei tawh beisei a ni.
Heng hri vei dam tawhte hi Kolasib district mi leh sa vek an ni.
He thu hi vawiin khan Health minister Dr R Lalthangliana chuan, "June ni 1 zana Kolasib District quarantine facility atanga Covid 19 positive hmuhchhuah zinga 8 te chu an sample vawihnih test a nih hnuah an negative vek a. Naktuk (19.6.2020)-ah ZMC an chhuahsan theih beisei a ni," tiin a sawi niin DIPR chuan a tarlang.
Post a Comment
He post chungchanga i ngaihdan lo sawi ve rawh: