COVID 19: Lab technician pawl hruaituten COVID 19 Lab enpui; Lab tehnician te dinhmun enfiah

Aizawl | June 6, 2020: COVID 19 hrivei hmuhchhuahna atana mi pawimawh, Laboratory a test kalpui thintu Laboratory Technician-te dinhmun, hnathawh dan leh an harsatna te hmuhpuiin nimin khan Mizoram sawrkar hnuai a Laboratory Technician Association hruaitute'n COVID-19 Laboratory, Falkawn leh R.Dengthuama Hall, Quarantine Centre an tlawh.


Lab Technician hruaitute chuan, Lab technician te chu tha thlah lova tang sauh sauh turin an fuih a. COVID-19 dona kawnga Lab. Technician te tangkaina leh an thawhrim zia te, chhun leh zan pawh sawi lova Mizo mipuite himna atana an inpeknate chu chhuanawm an tiin Association pawhin an chhuangin an thlawp tlat tih an sawi bawk.

Lab. technician tia kan sawi mai te hi Medical Laboratory Technician  niin an ni hian COVID 19 bikah swap sample test zawng zawng an khawih vek a. Tuna test rintlak bera kan neih hmangin COVID 19 positive an nih leh nih loh zanlai thleng thleng test neiin, an ni thawhrah hi a resul puanzar a ni ta thin a ni.

 

COVID 19 dona bikah hian an hah em em tih a hriat a, Zan rei thleng thlengin test an kalpui tih chu hai rual lovin a result kan hriat theih hun atangin a hriat theih. Tin, Hrivei nia rinhlelh sample tam tak test kalpuitu an ni a, virus lo putru palh vang pawha hripui hi kai theih a nih avangin hripui kai hlauhawm taka ding an ni bawk.

Natna vei an awm reng reng leh thisen kan test te pawhin Lab Technician te hian an lo endik a, heng an endika an hmuhchhuah atang hian Doctor ten an lo enkawl ta thin a ni.

Pathian kan lama atan chuan tunge min do thei ang? Medical lama thawktu zawng zawngte tawngtaina-ah i hre thar ang u.

Post a Comment

0 Comments