Aizawl | June 06 2020: Brazil ram President Jair Bolsonaro chuan WHO lakah a lawm lo hle a, an ram chu World Health Organization (WHO) ațanga chhuah sanah a vau a, he pawl hi "lam țang zawnna" leh "politics thil lutuk" tiin a puh niin IANS in a tarlang.
Bolsonaro hian Zirtawpni (June 5) khan thu thar lakhawmtute hmaah thu sawiin Brazil ram chuan WHO chhuah san chungchang hi a ngaihtuah mek a ni a ti. WHO hian " politics thila lam țang zawnna pawl" nih hi a bansan loh chuan inhnuhdawh mai an hnial loh thu Xinhua news agency chuan a sawi.
Hemi hma ni hian Brazil ram chu COVID-19 hri kai leh thihpui an tam chungchangah social distance thlah dul thua zawhna a chhannaah WHO chuan lockdown thlah dul chu hri kai tlemna (slowing transmission) atan a pawimawh a ti niin a sawi a, he rawtna an zawm vanga tuar nasa an nih tih a sawi bawk.
"Latin America hian he hri țihbaiawm tak puak darh hi nasa em emin a tuar a ni, " WHO spokeswoman Margaret Harris chuan Geneva a news conference ah a sawi a, lockdown thlah dul chu hri kai tur tih nepna atan a țul tih a sawi nawn leh bawk.
President Bolsonaro-an he thu nimin Zirtawpnia a sawi hi Brazil ramin ni khata hri vanga thi mi 1,005 an neih ni leh ni khata thi an tam ber ni a ni.
Brazil ram hi khawvela COVID-19 hri kai tam ber dawttu anih bakah thi tam lamah pathumna a ni mek bawk.
Inrinni zinga Brazil ram dinhmun chu mi 614,941 te hri an kai tawh a, thi pawh 34,021 an tling tawh a ni.
Thla hmasa lam khan, US President Donald Trump chuan WHO leh Washington inzawmna a chhut chah thu a lo puang tawh bawk. India Prime Minister Narendra Modi pawhin WHO inawpna chu siam țhat leh țhuah fai ngai tak anih thu a lo sawi tawh bawk.
Swarajya
June 06, 2020
@ 10:48 AM IST
====06==06=20=
- Huna Kawlvawm
Post a Comment
He post chungchanga i ngaihdan lo sawi ve rawh: