Telangana atangin Mizo tangkhang mi 475-in Bairabi lo thleng

Aizawl | May 24, 2020: Mizoram mi leh sa Telangana-a tangkhangte chuan tukin dar 8:40 khan Bairabi Railway station an lo thleng.


Exploremizoram.com in thu a dawn danin, Heng Mizo tangkhang lo thlengte hi Screening tih nghal a ni.

Telangana atanga lo haw te hi an vaiin mi 475 an ni a. Aizawl district a cheng mi 216, Lunglei district a cheng mi 30, Serchhip district a cheng mi 29, Kolasib district a cheng mi 40, Champhai district a cheng mi 41, Siaha district a cheng mi 35, Mamit district a cheng mi 22, Lawngtlai district a cheng mi 23, Saitual district a cheng mi 12, Khawzawl  district a cheng 25 leh Hnahthial district  a cheng mi 2 an ni a.

Kolasib district mi leh sa lo haw te hi Quarantine Facility ah dah nghal vek an ni.

Mizoram mi leh sa Telangana atanga lo thleng te hi Bus 32 hmangin an awmna district theuh-ah thlah an ni dawn a, district hlat dan a zirin Bus hi an chhuak dawn a. Siaha district mi leh sa phurtu bus a chhuak hmasa ber ang a, Kolasib district phurtu an chhuak hnuhnung ber dawn a ni.

Chaw hi Bairabi rail station ah, rel chhungah pek an ni ang a, Screening point 10 siamah te uluk tak a endik an nih hnuah Bus hian rail station hi an chhuahsan dawn a ni. 

Bairabi Rail station an chhuahsan hnu hian Meidum khaw daiah Hot zone atanga lo kalte chu Rapid Antibody Test neih tir an ni ang a, hemi zawh hian Liason Officer te kaihhruaina hnuaiah Kolasib district ramri thleng thlah an ni leh ang.

Kolasib district mi leh sa te chu Facility quarantine ah dahhran an ni nghal ang. Bairabi Rail station a Screening kalpuinaah hian Covid-19 rinhlelhawm an awm a nih chuan Sawrkar kalphung duansa angin ZMC ah phurh chhoh nghal an ni ang a, hemi tur hian Rail station-ah Ambulance dah a ni bawk.

Telangana state a Mizoram mi leh sa tangkhang lo hawte tukina Bairabi Rail station an lo thleng laia lo dawnsawn dan turah hian inpuahchahna a nasa hle a, Kolasib district a officer mawhphurna latu hrang hrang ten a hmunah nimin khan an endik.






(A hnuaia fakna hi lo hmet ve rawh.)

Post a Comment

0 Comments