Aizawl | May 23, 2020: PTI-in nimin Zirtawpnia Sorkar thu chhuak a tar lan danin Central Sorkar chuan lockdown chhungin lo neitu mi 9.65 crore te Bank account ah PM-Kisan Rs. 19,000 crore a thunsak tawh.
Central Sorkar hian lo neitute chhungkua 14 crore te hnenah kum khat atan Rs 6,000 țum thum atan PM-KISAN scheme ah hian pek turin February 2019 khan Prime Minister Narendra Modi a puang tawh a ni.
" Pradhan Mantri Kisan Samman Nidhi (PM-KISAN) Scheme hnuaia lo neitu te sum hmuh tur hi lockdown period March 24 ațanga tun thleng hian lo neitu chhungkua 9.55 crore te hnenah Rs 19,100.77 crore sem chhuah tawh a ni," Agriculture Ministry thu chhuah chuan a tar lang.
Heng sum pek chhuah te hi kharif crops (nipui laia seng) seng khawm chhawk zangkhaina atan pek a ni, tih Agriculture Ministry chuan sawiin buh chinna atan ram 34.87 lakh hectares hman a ni a, nikum tun ang hunah 25.29 lakh hectares hman a ni tih a tar lang.
Be lam chi (pulses) chinna atan 12.82 lakh hectares hman a ni a, nikumah 9.67 lakh hectares hman a ni bawk.
Chaw a hman theih wheat etc (cereals) chinna atan 10.28 lakh hectares hman a ni a, nikum tun ang hunah khan 7.30 lakh hectares hman a ni bawk.
Tel atan hman chi (oil seeds) chinna atan 9.28 lakh hectares hman niin nikum tun ang hunah 7.34 lakh hectares hman a ni bawk.
A chunga sawi tak te hi tun țhal laia seng tawh, thlasik laia chin te an ni.
Nimin Zirtawpni (May 22) thleng khan India ramah mi 27,55,714, COVID-19 tests neih an ni tawh ICMR scientist Dr Raman R Gangakhedkar chuan a sawi. Hei hi a ni zawna ni li chhung mihring nuai khat aia tam test na a ni. Heng zinga mi 85,542 te chu government labs 401 a test an ni a, a dang zawng chu private labs 178 a test an ni.
Source :
Times of India
May 22, 2020
@ 22:09 IST
===23==05==20===
Huna Kawlvawm
Post a Comment
He post chungchanga i ngaihdan lo sawi ve rawh: