SPORTS: ROGER FEDERER CHUAN MESSI LEHPELIN KUM 2020 CHHUNGA INFIAMMI SUM LALUT TAM BER A NI

Aizawl |May 30, 2020: Tennis player ropui Roger Federer chu kum 2020 chhunga khawvel infiammite zinga sum lalut hnem ber a ni. COVID -19 pandemic avangin football kalpui mumal hleih theih anih loh avangin Lionel Messi he dinhmuna ding mek chu a lehpel tih annual report, Forbes magazine in vawiin Zirtawpni a tih chhuah chuan a tar lang.

 Swiss tennis khel thiam leh ropui hian mipa tennis khel thiam Grand Slam singles titles 20 la tawhin record siamtu a ni a, thla 12 kal ta chhunga a  hlawh zat chu $106.3 million a ni a, heng zinga  $100 million erawhchu endorsements ațanga a hmuh a ni thung. Dinhmun palina ațangin pakhatna dinhmun a rawn luah ta a ni.


A hnuai lama sum hmu tam te chu hengte hi an ni :

Footballers Cristiano Ronaldo ($105 million), Messi ($104 million)  Neymar ($95.5 million) American basketball player LeBron James ($88.2 million). 


“Coronavirus pandemic avangin football star Messi and Ronaldo hlawh tih hniam hian tennis player tan hian khawvela infiammite sum lalut tam  bera din theihna kawng a rawn hawng ta a ni, " tih Kurt Badenhausen, senior Editor, Forbes chuan a sawi. 


“Roger Federer hi  company fakna lamah tuma  cho rual lohin endorsement portfolio lamah   sum a huilut țha a, blue-chip brands ațangin kum khat atan $100 million a lalut a ni.”


Japan nula Naomi Osaka ($37.4 million), chuan dinhmun 29naah awmin  Serena Williams ($36 million) khumin kum khat chhunga hmeichhe infiammite zinga sum hlawh chhuak tam ber thar a ni bawk.


List ah hian Osaka leh  Williams te hi hmeichhe hming lang awm chhun an ni.


Basketball player lang an tam ber a, 100 zingah  35 lai an lang. American football  31  lang an awm a, Super Bowl champion vawi 6 dinhmun hauhtu  Tom Brady ($45 million)  chu 25na dinhmun hauhtu a ni.


Football ah hming lang  player 14 an awm a,  tennis 6,  boxing leh mixed marital arts 5 ve ve an awm a, , golf 4 an awm a, motor racing 3, baseball leh cricket 1 ve ve lang an awm bawk. 



Source :

 Indian Express
May 29, 2020
@ 10:23:05 PM IST

====30==05==20==
- Huna Kawlvawm

Post a Comment

0 Comments