THLA THUM CHHUNGIN INDIA GDP 3.1% IN ṬHANG;APRIL THLA AH SECTORS PAWIMAWH TE 38.1% IN AN TLA HNIAM

Aizawl | May 29, 2020: India ram GDP (gross domestic product )data vawiin Zirtawpnia tih chhuahin a tar lan dan chuan ram chhung sum leh pai țhanna January - March Quarter chu COVID-19 avangin 3.1% in a tla hniam.




India ram GDP țhanna  October-December chu 4.1% a ennawn a ni a, hei hi   2019-20 chhunga Q3 a ni.  Q2 leh  Q1 țhanna pawh ennawn  4.4% leh 5.2% ah te dah a ni a. 


Financial year 2019-20 pumpuia India ram GDP țhanna chu *4.2%* a ni a, kum hmasa  2018-19 țhanna 6.1% a ni.


Vawiina dinhmun tarlanna (data) tih chhuahin a tar lan dangah chuan April 2020 chhunga sector pawimawh zual pariat te sum thawh chhuah pawh 38.1% in a tla hniam . Heng industry pawimawh zual te hlutna hi Index of industrial production (IIP)  ah 40% aia buk rit zawk an ni. 


Asia ram zinga  economy lian pathumna India ram industry pawimawh te hi nikum lam ațang tawhin  an țhan a muang țan tawh a, coronavirus darh tur ven leh dona atan ram pum huapa inkharkhip March 25 ațanga puan anih avangin ram sum leh pai thawh chhuahna lam zawng zawngte a chawl fai vek a ni. Lockdown chhung pawh hian May 18 ațangin thil țhenkhatah khapna țhenkhat thlahdul a ni a, chung chu manufacturing, transport leh thil țhenkhat te an ni. 


 Lockdown in kawng hrang hranga a nghawng nasat tur zingah thil siam chhuahna lam te, services sector- tourism, hotel, bakah aviation te chu June quarter ah phei chuan a hniam nasa hle ang.


Economist te chuan tun tangka kum chhung hi kum sawmli chhunga ram sum leh pai dinhmun hniam ber kum turah ngaiin hetiang chhiatna lian tham hi Indopui 2na hnuah khawvelin a la hma chhawn lo niin an sawi.


Amaherawhchu, tun a boruak awm dan leh fur ruah tui tlak dan tur hrilh lawknain a sawi dan chuan ruah tui a tla țha dawn a, chu chu lo neitu leh leilung behchhana ei zawngte tan malsawmna a rawn thlen dawn niin an ngai thung. Hei hian thingtlang mite tan beiseina leh mahni in pela ei zawng (migrant workers) nuai tam tak te lockdown vanga an khua lama hawng te tan pawh malsawmna leh thawh tur siamsaktu leh inhnangfakna tling tura ngaih a ni.


Coronavirus pandemic avangin India ramah thi 4,706 an awm tawh a, he hri kai zat hi 1,65,799 an tling tawh a, hri kai dam 71,105 an awm thung. Tun hnai hian nitin hri kai thar 6,000 chunglam a ni ta a, mahni state pana haw khawm anih avangin hri kai thar an tam phah hle bawk.


Coronavirus pandemic avanga ram chhung sum dinhmun chhe zel tur danna tur (stimulus package) Central Sorkarin a puan bak ah Reserve Bank of India (RBI) pawhin  repo rate leh reverse repo rate a ti hniam  tawh bawk.


(With agency inputs)

Source :
The Times of India 
May 29, 2020
@ 18:16 IST

===29==05==20===
- Huna Kawlvawm

Post a Comment

0 Comments