OIC member Ruatdiki Chhangte a chawl ta

Aizawl | May 23, 2020: One In Christ (OIC) band puipa Lalruatdiki Chhangte chu Synod Hospital Durtlanga rei tak enkawl a nih hnuin nizan dar 10:30 vel khan a fak thin a LALPA hnenah a chawl ta.



Ruatdiki hi kumin kumtir lamah pawh khan a dam lo tawh a, March thla vel khan zia-awm deuhin KTP General Conf 2020 Serchhip-ah pawh a zai nghe nghe a. Mahse, tunhnai-ah khawsikpui natna hian hneh lehin Synod Hospital Durtlang-ah enkawl a ni a. Mahse, Hmangaih leh lainat taka enkawltu leh amah hmngaihtute thlahlel zo lovin chatuana pa ang chhunga chawl tawh turin nizan khan a chawl ta a ni.


(KTP General Conf 2020 a a zai.)


Aizawl Missiona veng a cheng leh khawsa R Lalhmangaihi fanu Lalruatdiki chhhang hi kum 28 mi niin, OIC ah telin music video thahnem tak an siam tawh a.

Mipuiin amah an hriatna chu, 'Enna nunnem, Thimin ka vel a bawm' a sak kha a ni awm e.


(2014- Enna nunnem, Thimin ka vel a bawm.)


Ruatdiki hi vawiin dar 12 hian vui a ni dawn a, amah uitu thahnem tak an kalkhawm rin a ni.

RUATDIKI THLAHNA:

Mi lar hrang hrangin Rautdiki an ui thu leh thlahna thu Social media hrang hrang-ah post siamin an auchhuahpui a, Sports minister Robert Romawia Royte pawhin, "Gospel Singer lar Ruatdiki @one_in_christ_official boral thu ka lo hre ve a, ava pawiin ava uihawm tehlul em. Mi tam tak Pathian lama hiptu Mizo mipuiin kan chan ta! A thlarau muangin chawl rawh se" tiin thlahna thu a post.





(Kei kher maw Lalpa - OIC)



LALRUATDIKI CHHANGTE

(1992 - 2020)
VUI PROGRAMME



A HMUN : Pu Phirdailova In, Mission Veng

A HUN : May 23, 2020 (Inrinni) Chhun Dar 12



VUITU : Rev. Dr. C. Lalhlira, Bialtu Pastor



Bible Chhiar & Tawngtai 

Thusawi  : Pi R. Lalhmangaihi (A Nu)
Thlamuanna Thuchah : Vuitu
Group Zai : One In Christ
Tawngtai : Upa C.L. Thanmawia, Bialtu Upa
Malsawmna :

Thlanmual : Rev. Dr. C. Lalhlira, Bialtu Pastor


(A hmangaihna a lo ni - OIC)






(A hnuaia fakna hi lo hmet ve rawh.)

Post a Comment

0 Comments