Health & Family Welfare Department-in Thermal & Optical bi-spectrum Network Bullet Camera pakhat leh Handheld Thermal Camera pali a lei.

Aizawl | May 22, 2020: Sawrkar laipuiin ram chhunga Airport hrang hrangte May ni 25, 2020 atanga hawn tan a tum mek laiin Airport hawng thei tura neih ngei ngei ngai Thermal & Optical Bi-spectrum Camera chu Health & Family Welfare departmet  chuan theihtawpa hma la in India hmarchhak state zinga a hmasa ber turin vawiin khan a chah thleng a. He Thermal Camera hi naktuk May ni 22, 2020 (Zirtawpni) hian Lengpui Airport ah hman theih tura dah (install) tum a ni.  

He Thermal Camera hmang hian meter hnih danah khawsik leh sik loh a en theih a, a rualin mi 10 vawikhat ah a endik theih dawn avangin khualzinte tan pawh hun a heh loh dawn bakah rang takin he Thermal Camera in a lak data te leh ID te chu email leh whatsapp hmangin COVID-19 lam buaipuitute a thawn zung zung thei nghal tawh dawn a, a lo endiktute tan pawh meter hnih dan atang a nih tawh dawn avangin a him viau tura ngaih a ni. Hemi rual hian State dang atanga Mizoram luhka lian zual deuh Bairabi leh Vairengte Screening Centre a hman tur Handheld Thermal Camera pawh dah a ni dawn a, hei hian nasa taka mihring lo lut tur endik kawngah a puih beisei a ni.

- DIPR






(A hnuaia fakna hi lo hmet ve rawh.)

Post a Comment

0 Comments