Covid 19 Medical Operational Team chairman in Civil Hospital Aizawl a tlawh

Aizawl | MAy 22, 2020: Health and Family Welfare Board vice chairman leh COVID-19 Medical Operational Board chairman Dr. ZR Thiamsanga MLA chuan vawiin khan Civil Hospital Aizawl a tlawh a. COVID-19 hri leng laka inven dan tur te, OPD tawt lutuk tih ziaawm nan Medicine bik OPD Dawrpui Multipurpose Centre a sawn lailawk pawh a hmunah a en nghal a. Hma lakna kal mek bakah thil tul leh tih belh ngai awm deuh te Civil Hospital thuneitute nen an sawiho nghal.

Dr. ZR Thiamsanga chuan, Dawrpui Multipurpose Centre thuneituten mipui leh Civil Hospital a thawktute himna tur ngaihtuaha an hmunhma te phal taka a thlawn a an hman tir thei mai chu lawmawm a tih thu sawiin, thinlung takin Health Department leh mipui aiawhin lawmthu a sawi bawk a ni.

Dr. ZR Thiamsanga MLA, Vice Chairman, Health and Family Welfare Board hi Medical Superintendent leh Deputy Medical Superintendent Civil Hospital ten an tawiawm a ni.

Post a Comment

0 Comments