Mizoram hmun hrang hrang ah Hmar Martyrs' Day hmang

Aizawl | May 16, 2020: India ram hmun dang  rualin vawiin khan Sinlung Hills Council (SHC) huam chhung bakah Mizoram hmun hrang hrangah Hmar Martyrs' Day vawi 20-na hman a ni a, SHC chuan an Headquarter Sakawrdai-ah khawtlanga mi pawimawh sawm bik te nen an hmang niin exploremizoram.com chuan thu a dawng.

SHC CEM Lalthlamuana Hmar (Left) leh EM Ricky Lalremsanga

Hmar Martyrs' Day hunserh hi SHC Chief Executive Member (CEM) Lalthlamuana Hmar leh Executive Member Ricky Lalremsanga ten an hmanpui a, thuchah an sawi bakah martar-te hriatrengna lungphun-ah zahna paṭhi an dah bawk.

Exploremizoram.com in thu a dawn danin, Hmar Martyrs' Day hi Sakawrdai bakah khaw hrang hrang-ah khawtlang hruaitute leh mi sawm bik te chauhin sawrkarin a phal chinah an hmang a, martyr-te lungphunah zahna parṭhi an dah.

Heng bakah hian, Sinlung Hills Council huam chhung a khaw hrang hrang-ah martar-te zahna lantir nan in tin-ah a thei thei in 'Hmar Puon' bakah hnam puan hrang hrang an zar a. Vantlang Information mike hmangin SHC CEM Lalthlamuana Hmar thuchah puanzar a ni bawk niin exploremizoram.com chuan thu a dawng.

Saiphai khua-ah in tinin martarte zahna lantirnan puan zar

Hmat Martyrs’ day hi Hmar hnam tana nunna lo chan tawh zawng zawng-te hriatrengna'n a hman ṭhin a ni.