Lawngtlai | May 21, 2020: Nizan khan Lawngtlai District mi leh sa West Bengal atanga lo haw mi 12 chuan Lawngtlai an lo thleng ve leh a. An zinga mi 4 (chhungkaw khata mi) chu mahni in lama inkhung hran (home quarantine) phalsak niin, mi 8 chu sawrkar enkawl inkhung hranna (quarantine facility)-ah dah an ni a. Heti hian tun dinhmunah Lawngtlaia sawrkar quarantine facility-a khung hran mi 61 an awm mek.
Sawrkarin District Level Task Force (DLTF) Chairman leh District Medical Board-in a him tawk nia an ngaih chu mahni ina inkhung hran an phalsak thei ang tia inkaihhruaina a siam beh chhanin, West Bengal atanga lo hawte zinga chhungkaw pakhat, member 4 chuan home quarantine an dil a, district thuneitute'n an in leh a vel an enfiah hnuah him taka inkhung hrang thei tura hriat an nih avang leh Rapid Antibody Test tha taka an pal tlang theih bawk avangin home quarantine hi phalsak an ni a. Tun boruakah anni hi Lawngtlai District chhunga direct home quarantine hmasa ber an ni.
Lawngtlai District mi leh sa state pawna tangkhangte hi sawrkar ruahman ang zela lo haw tur niin, lo haw tura beisei mi 800 chuang an la awm a, kawnga lo thang mekte pawh an awm bawk.
(A hnuaia fakna hi lo hmet ve rawh.)
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: