Aizawl | May 24, 2020: US national security agencies te tun hnaia inhmukhawm chuan Russia leh China ten nuclear chak lo deuh (low- yield nuclear) test an kalpui tho nia hriat leh puh reng an nih avangin nuclear test hun rei tak an tih tawh loh chu thar thawh leh tura sawiho a ni, tiin Reuters in a tarlang.
Amaherawhchu, he inhmukhawmnaah hian nuclear test leh tura remtihna leh thu tlukna chu an siam nghal lo.
President Trump-a Sorkar hian kum 1992 hnua nuclear test neih leh hmasak ber tur chungchang hi kar hmasa lam khan an sawiho ngei a ni tih Washington Post chuan nimin Zirtawpni khan ziakin heti lam thiam senior official pahnih hnen ațanga thu an dawn anih thu a tar lang.
Nuclear test chungchang inhmuhkhawmnaah hian senior official te national security agencies ami te chuan langsar lo tak leh a ruk a ral deuhin Russia leh China te hian low-yield nuclear tests kalpui rengin an ngaih thu Washington Post chuan a tar lang.
- Huna Kawlvawm
Post a Comment
He post chungchanga i ngaihdan lo sawi ve rawh: