Aizawl | May 7, 2020: Mizoram Assembly Speaker Lalrinliana Sailo hova Legislature Party aiawh MLA ṭhukhawm chuan May - December thla chhunga an hlawh 30% chu COVID-19 dona atan pek an remti.
Thudawnna-in a sawi danin, An hlawh 30% bakah hian Chief Minister-in ₹ 20,000, Speaker, Ministers, Dy. Speaker leh Dy. Chief Whip te'n ₹ 15,000 an thawh belh ang.
Meeting-ah hian MNF, ZPM leh BJP MLA te an tel a, Congress MLA te chu an tel ve loh avangin, Congress MLA te chuan an duh danin thutlukna lo siam se an ti niin thudawnna chuan a tarlang.
Vawiin-a Speaker hova a pisa-ah thukhawmin COVID-19 hripui leng do nana an hlawh cut zat tur an rel.
MLA ten an basic pay atanga 30%, May ațanga December, 2020 thlengin COVID-19 hrileng do na atan CM Relief Fund ah pek nise tiin an rel a. Hei bakah hian Chief Minister-in thlatin Rs 20,000 leh Council of Ministers, Speaker leh Deputy Speaker leh Govt. Deputy Chief Whip ten thlatin Rs 15,000 theuh an thawh belh zel ang tih an pawm a ni.
Legislature Party aiawh kalkhawmte chuan MLALADS Fund 2020-2021 ațangin COVID-19 fund atan CM Relief Fund-ah Rs 50 lakh theuh thawh nise tiin lungrual takin an rel bawk a ni.
Vawiina Legislature Party aiawh kalkhawmnaah hian Congress Legislature Party te an kal loh avangin COVID-19 Fund atana hlawh cut chungchang leh MLALADS Fund thawh chungchanga thutlukna chu an zalennaah dah a ni.
COVID-19 do nan hian Minister ten an thla chanve hlawh leh MLA tin ten an karkhat hlawh theuh (~25%) March thla hlawh atangin Chief Minister's Relief Fund ah an lo thawh tawh a ni.
Post a Comment
He post chungchanga i ngaihdan lo sawi ve rawh: