Covid-19 a hrang lua e

- Zotea Zote

Muangleia hringmi  laitual kan len laiin,

Hriat loh chhingkhual hripui hrang chuan;

Inthlahrung lovin kil tin a hrut vel,

Khawchhak lungpui a lum mek e.

Kan thiam bel hlur tuipuiral ţawng,

Social distancing, Mask, Hand Sanitizer, Surgical Glove, Curfew leh Quarantine;

Kan kut meuh pawh kan sil thip hlur mek e.

Hisap kitap a tlawlh zo e Covid-19 vangin,

A pung tual tual phungvelh an sawi iangin;

Kan ţih, kan hlau, fimkhur zawh a har si;

Pin loh daidanna bang chhah a siam țhenawm karah pawh.

Khawvel a rum a hneh zo an awm lo,

Ram ropui pawh a tlawm mek zel e;

Tharum hmanga beihin awmzia a nei mawlh si lo,

A hneh theitu van Pathian auh kan tih theih sang ber.

A mawi a nalh leh a to hlutna a bo,
In ropui leh sum leh pai hlutna a kiam mek;
Dam khawchhuahna hlu pawnchhuah loh,
Inthlahlel tak pawh in ralsai  mai a tawk e.

Ramri dep khua ten  dai an theu e,
Hrehawm pawisa lovin riah run an rem ramdaiah;
Thosi, vaihmite leh vangvat karah pawh,
Banzai an rel lo ram himna an thunawn a la ni fan.

Zirna leh eizawnna vanga ram dang pan ta te'n,
An dawng mek Covid-19 hmangin emergency call;
Khaw hrang hrang haw runpui dungthulin,
An ram neihchhun Mizoram an rawn pan mek e.

Tak fawr,  Task force leh Force lam te,
Medical duty leh Sorkara mawphurtu hrang hrang te;
A tihbuai loh  kan awm lo kohhran thlengin,
Biak in meuh pawh quanrantine Centre a nih tak hi!


Min fan  kim ngei e, thingtlang kilkhawr ber thlengin,
Kan vangkhawpui kawngţum hial pin a ţul a;
Hriatloh chhingkhual hmelma thlirin kan thlir,
Hripui nunrawng Covid-19 vang vek a ni.

Aw chhimthlipui chhem kiang la,
Aw hmarthimpui lo thawk la chhem kiang ta che;
Thlipui leh tuifawn pawh hau reh thei kan ngai che,
I lam hawiin i aw kan ngaichang țhuap a nih hi.

Aizawl | May 25, 2020