Kolasib Saidan YMA ten ramri veng dawn; SDO(S) in vailiam

'State thenawm a hri vei an pun mek lai hian ramri dep a ramri ven hna thawh hi a tulin a pawimawh hle,' 

- SDO(S) Vanlalchhuanawma

Kolasib | May 25, 2020: Young Mizo Association (YMA) Saindan branch member mi 20 te chu hripui laka Mizoram a him zel theih nan ramri veng turin an thawkchhuak.

Exploremizoram.com thu dawn danin, vawiin khan Kolasib DC pisa tualzawl-ah SDO(S) Vanlalchhuanawm chuan Phaisen khua ramri dep a duty tur Saidan Branch YMA member mi 20 te hi a vailiam. 

Heng ramri veng turte hi Border Safety Monitoring Team, Kolasib District leh Saidan Kolasib VLTF te ruahman niin, SDO(S) Vanlalchhuanawma chuan, 'State thenawm a hri vei an pun mek lai hian ramri dep a ramri ven hna thawh hi a tulin a pawimawh hle,' tih a sawi a, hrileng mek laka Mizoram kan him theih nan ramri vengtute uluk tak leh taima tak a tha thlah lova ramri veng turin in a chah a ni. 

    

 Anni hi vawiin atangin May 27 thleng Phaisen-ah ramri an veng dawn a ni.